Esodo 32:13 - Iaai Bible 1901 (New Caledonia)

¹³ Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Esodo 32:13 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

Genese 15:5

Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 15:7

Me e ame ha kâu, ka habe, Inya Iehova, at ame su u ûhem Ure hnyi Kaledaia, me me he ka ham köu hnyei ang hnân em.

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 22:16

me ha, ka habe, Haingö Iehova, ka habe, Oge hia but khemanyin gak bi, anyin a u je hia but ânyâ ûnyi e, kʼ u je ca behânâ nokom, wale nokom a khaca:

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Esodo 13:11

Ke e ka he Iehova ka hum u ka hnyi hnyei iny at Kanana, helâ me hnen hna khemanyin köu me lakâmâm me ham köu,

Esodo 13:5

Ke e ka he Iehova ka hum u ka hnyi hnyei Kanana, me Heth, me Amora, me Hivi, me Jebusi, waleji a khemanyin ka lakâmâm he ka hani köu, a hnyei ame di ge dân basin me hani, me u ma he ka ânyâ huliwa eang hnyi tehi eang.

Esodo 33:1

KE Iehova ame ha kö Mose, ka habe, Hna but dok ang, ke he thö ûhem ang me tavat waleji u je hom ûhedra hnyi hnyei Aigupito, ka hnyi hnyei oge ûhibinyköuâ kö Aberahama, me Isaaka, me Jekob, ka habe, Oge me he ka ham ka je mâtrânâm:

Levitiko 26:42

awe, oge me he ka ûnykûme hnok hna ûhihinyköu me Jekob; me hnok hna ûhihinyköu me Isaaka; ke oge me he ka ûnykûme hnok hna ûhihinyköu me Aberahama; ke oge me he ka ûnykûme ka hnyei.

Deuteronomi 1:10

hnö Iehova Khongubun hna osehiʼ öbun, ke wâ bi, helâ me je okhûiny drany ûsehiaibun hnyi bong ang.

Deuteronomi 7:8

ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.

Deuteronomi 9:27

ûnykûme ju lathnyabaem, Aberahama, me Isaaka, me Jekob; e so u me ca wâ hwakecin ae ûjöng anyin tavat eang, me hwakecidra ae kong, me anyidra hulö:

Heberu 6:13

Ke hnyi ûen Khong ame ha bânâ kö Aberahama, me e ame ka khemanyin gan bi, anyin ae ca khana he ka khemanyin ge ke at ae nua hon e bi,