Esodo 32:10 - Iaai Bible 1901 (New Caledonia)

¹⁰ ke walang ang hnö nya but, me me ubâhlâ thö anyik hmönyin ködra, mʼ inye he ka ohiʼ odra; kʼ oge me he ka wiö u bi hnân hnyei ae gan.

Esodo 32:10 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Salamo 106:23

Anyin a wale e ame ha he ka ohiʼ ödra, Ke so bi hnö Mose, waleji e ame ûca, hna tot hnyi iwatretra hnyi hnyimakan, He ka ohmeto anyin hmönyin, wâ e nye ohiʼ ödra but,

Esodo 22:24

kʼ ame he ka ubâhlâ anyik hmönyin, ke oge me he ka hlingʼ öbun ge hele vat; kʼ ame he ka safac je laöiöbun, kʼ ame he biju ka nakahme je lakubun.

Esodo 32:11

Ke Mose ame khöu kö Iehova a Khongon, me ha, ka habe, Iehova lö, geû ame he ka ubâhlâ gan ânyâm hmönyin ka je lakem waleji u je hom ûnyi hnyi hnyei Aigupito ge man ae gan me hnyam ae hwege?

Esodo 32:19

Ke ame hakekeny ka hnyi hna hunuma, me e ame wâ nokon kau me biâ, me ame ubâhlâ hmönyin anyi Mose, me e ame khûâ degecâ li veto ae lau ûnyi hnyi li hnyamen, me me hmouca but hmelen bucen.

Esodo 33:3

ka hnyi hnyei ame di hnyin dân basin me hani: anyin a oge me ca he ka tha he möu; anyin a u hnyei ae hwege nyin: wâ oge ne he ka ohiö u eû hnyi gethen.

Jeremia 11:14

Anyin a wale, u me ca he ka hijö tavat ang, ke u me ca he ka tenge me hic hobi kodra: anyin oge me ca he ka löng kodra hnyi ûen adre me he ka hawo nya hnyin hnyi anyidra vec.

Jeremia 14:11

Ke haba Iehova ame ha könya, ka habe, U me ca he ka hijö tavat ang, mʼ adre me so.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 7:16

Anyin a wale u me ca he ka hije tavat ang, ke ca ogöranyâ tenge me hic hobi kodra, ke ca khöu bi könya: anyin oge me ca he ka ling u.

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Numera 14:12

Oge me he ka kuc ödra ge mok me ohia hwajeköûdra, ke oge me he ka wiö u hnân hnyei ae gan me man hudra.

Numera 16:21

Ûsâkâûö but öbun me ûkhacaköu eang, mʼ inya he ka ohiʼ ödrin hnyi thuthubademak.

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Deuteronomi 9:14

Ca thao nya me oge me he bi nya ka ohiʼ ödra, me kot degecâ iödra ûheny eang hmelen, ke oge me he bi nya ka wiö u me me hnyei ae gan me man hudra.

Deuteronomi 9:19

Anyin oge me outen hmönyin me hwahwacit waleji ame hmönyin köbun Iehova he ka ohiʼ öbun. Ke so bi Iehova ame löng könya minya hnyi ûen eling.

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.