Esodo 32:1 - Iaai Bible 1901 (New Caledonia)

¹ KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Esodo 32:1 ပူးပေါင်းရင်းမြစ်များ

Genese 19:14

Ke Lota ame didrut me ûhnenamö me laûngon, hnyat ödrin e hom lakon je hlu, me haingen, ka habe, Todrö, kec dö ge dok ang, anyin ame he Iehova ka ohia hnyei. Ke laungon ödrin e ûnykûme a gʼ ame ûhiö.

Genese 21:26

Me haingö Abimeleke ka habe, E ca khanö nya at a ânyâ ûnyi e: ke u je ca thumetu nya minya, ke oge me ca löng ke ne but hnyi bong aög.

Genese 39:8

Ke e ame höcö, me ha ka âiân tuhan, ka habe, Wâ bi, E ca khana tuhök ta je ûnyi unyik hnyi uma; kʼ a hia but hna hia anyin ta je ûnyi könya;

Genese 44:15

Ke haingö Josefa ködrin, ka habe, Ie ûnyi ang öbun e ânyâ? e ca khanʼ öbun a inya ang at ae tren kikite?

Genese 44:4

Ke ödrin e he but ûhedrin hnyi taun, kʼ ödrin tiga ca sâkâû, me Josefa ame ha ka at ame tuö hnyaban, ka habe, Todrö, wadring dö hoton je hnyat, ke u ka hom tilʼ ödrin, ha thö ködrin, ka kabe, Ieû gabun obune bi hwaban so hnen kong?

Salamo 106:19

Adre me ânyâ nokon kau hnyi Horeba, Me khudrung ka hnatheat adre okoiâ.

Esodo 13:21

Ke haba Iehova ame he hnyi hnyimaködra hnyi lany hnyi ûlâ ame tot wisa, he ka hum odra eû hnyi gethen, ke hnyi hnyinghet, ge meic ama tot wisa, he ka omelami odra; mʼ adre me he ka he hnyi lany me lit:

Esodo 14:11

Ke haingödra kö Mose, Hawa, e ba je erkemok hnyi Aigupito, mʼ u me hum ohmun ka mok ang hnyi hnyebuba? Ieû ang u je ânyâ köhmun, ka hum ohmun ûhehmun Aigupito?

Esodo 16:3

ke haingen lakon Isaraela ködru, ka habe, Ohmun na mokcu hnen hnyamö Iehova hnyi hnyei Aigupito waleji ohmun e laba hnyi je hna öt meno, me han areto me sekuhmun; anyin a öbe hum ohmun ka hnyi hnyebuba eang he ka hlingâ ûkhacaköu ang hia ge mekihnânem.

Esodo 20:23

Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

Esodo 24:12

Ke Iehova ame ha kö Mose, ka habe, Ölö thö könya hon bucen, me laba eling: ke oge me he ka ham köu li veto ae lau, me hnanyibu me je hna hûna waleji oge sihnalimen, mʼ u me he ka ûne.

Esodo 24:18

Ke Mose ame dit ka hnyin ûlâ me öliâ bucen: ke ethö Mose hon bucen fâte je lany ke fâte je lit.

Esodo 32:11

Ke Mose ame khöu kö Iehova a Khongon, me ha, ka habe, Iehova lö, geû ame he ka ubâhlâ gan ânyâm hmönyin ka je lakem waleji u je hom ûnyi hnyi hnyei Aigupito ge man ae gan me hnyam ae hwege?

Esodo 32:22

Haba Arona ame thu, ka habe, Than lö, ca he ka ubâhlâ ânyâm hmönyin tuhok: e khanö u hwakecin tavat a odra be monu.

Esodo 32:23

Anyin a haingödra könya, ka habe, Ânyâ thö hobi köta ke khong, me me hnyimakan anyita bunyen anyin a haba Mose, waleji at ame hum ota ûnyi hnyi hnyei Aigupito, me, ca khanʼ ota ûnyi a o kâu.

Esodo 32:7

Ke Iehova ame ha kö Mose, ka habe, He thö, utut; anyin ae kong ut ânyâm tavat, waleji u je hom ûnyi hnyi hnyei Aigupito:

Esodo 33:3

ka hnyi hnyei ame di hnyin dân basin me hani: anyin a oge me ca he ka tha he möu; anyin a u hnyei ae hwege nyin: wâ oge ne he ka ohiö u eû hnyi gethen.

Ezekiela 20:8

Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.

Hosea 12:13

Ke haba Iehova ame hum Isaraela ûheny Aigupito a deny perofeta, me tuö e a deny perofeta.

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

Mataio 24:43

Ke wâhmakhmeto ju öbun ûnyi ang, a ga ne wâ at ae tren uma hna hmak hnyi lit ame he ka o hnyin at ae venöu, me ame ne hia but hmâkâ, me ca hna bi kodra he ka kia umen uma.

Mataio 24:48

Ke a ne ha athnyaba ae kong eû hnyi hnyekon, ka habe, E tiga bec Tuhok;

Ta je huliwa 17:29

Awe otin e ne je mâtâniny Khong, e ca so köta he ka ûnykûme a ga ûcû Khong me gol, me sileva, me veto adre me huliwan ge metâiny at, me bihihwakecin anyin at.

Ta je huliwa 19:26

Ke öbun e wâ me long, a ca hake Efeso thibi, ke helâke me Asia hia minya, hnö Paulo eang hna ohmehmela, me wia tavat ae se hia, me ha, ka habe, ca je khong bi ang adre ânyâ ge je hnyam:

Ta je huliwa 7:40

adre me ba kö Arona, ka habe, Ânyâ thö ke je khonguta he ka he hnyi hnyimaköta: anyin a haba Mose e, at a hum öta ûnyi hnyi hnyei Aigupito, e ca khanʼ öta ûnyi a o kâu.

Deuteronomi 31:8

Ke haba Iehova me wale at ame he hnyi hnyimâkâm; ke e ame he ka tha e bi möu, e ame ca he ka hia unyâm, me hna degeci u: ca ot ke ca öbubuny bi.

Deuteronomi 9:1

ISARAELA lö, löng ju: u me he ka he hanyâûâ Joridano hnyi bong ang, he ka he me hûgûnâ je hnyei ae gan me hwege hom, je taun ae gan kʼ adre up haginy ke ne o but ka hnyi drany,

Deuteronomi 9:9

Hnyi ûen oge me öliâ bucen he ka kap li veto ae hu, a li vetoiny ûhihinyköu waleji a ânyâ Iehova möbun, ke oge me laba hnyi bucen fâte je lany ke fâte je lit; kʼ oge me ca han me ic.

Josua 7:13

Höhöi thö me okabâ thö tavat, me ha, ka habe, Okabi öbun dö hobi kâu nyi: anyin a walang ame ha Iehova Khongu Isaraela, ka habe, Isaraela lö, e hu ûnyi adre nyiboâ unyâm: ke ca kbanö u he ka tot hnyi hnyimakan je iwahnaihmiony mou, ke ne o but öbun e hom degecâ ûnyi adre hake ip unyibun.

II. Peteru 3:4

me ha, ka habe, Ewa hna ha bânâ a gʼ ame he ka o? anyin a hwân dö hnyi ûen mokut a lakamöta adrem, me ame tethmâ bala ta je ûnyi hia thithö, waleji hwân hnyi hna op ta je ûnyi hia.