Esodo 30:23 - Iaai Bible 1901 (New Caledonia)

²³ U me he ka hom je ûnyi ae bo so ae ûnyi hnathu, wale muro ae köiö a faiv haded je sekel, ke hafiny e kinamo ae bo so, wale lo li haded ke fifte,

Esodo 30:23 ပူးပေါင်းရင်းမြစ်များ

I. Je Than 1:39

Me haba Zadoka at bihut ame hom faoiny meno taben wakaco ûnyi hnyi Uma Mano, me hû Solomona. Ke ödrin e tûâ trutru; ke ame ha tavat hia, ka habe, E so e möt bi than Solomona.

I. Man Ûlabainy Je Than. 9:29

Ke haba keihen minya gadrin adre ip hnân tuö je omjehen, me je kaiainy hia dok ae kap, me falawa ae so, me waina, me wakaco, me libanu, me je ûnyi ae bo so.

I. Man Ûlabainy Je Than. 9:30

Ke haba ke je lakon hnyat bihut ödrin e penapena je wakaco adre obosoâ.

Salamo 45:8

E bo so je ûkhaûâm hia ge muro, me aloe, me kesia; Adre hia but osenyini u ge je ûnyi-khumöng, ûnyi hnyi je uma nyon elefan.

Esodo 25:6

me wakaco hnân umumelam, me ta je ûnyi ae bo so hnân le;

Esodo 30:22

Ke Iehova ame ha kö Mose, ka habe,

Esodo 30:24

me kasia a faiv haded je sekel, helâ me sekeliny dok ae kap, me tap wakaco elaio a khaca hin:

Esodo 31:11

me wakaco hnân hû, me je ûnyi ae bo so hnân le hobi kâu dok ae kap: adre me he ka ânyâ hoton hnök hna hûna köu hia thithö.

Esodo 35:28

me ûnyi ae bo so me wakaco; a hnân umumelam, me wakaco hnân hû, me je ûnyi ae bo so hnân le.

Esodo 37:29

Ke e ame ânyâ wakaco hnân hû ae kap, me ûnyi ae ûnyi hnathu ae bo so hnân le, hoton ihuliwainy at ame bi wakaco.

Ta je Vejec 7:17

Oge hia but hû hnok hna mokut Ge muro, me aloe, me kinamo.

Khumöng Hwanyi Solomona. 1:13

Bwiny muro könya oûnykûmik At ame mokut hnyi ûlaik.

Khumöng Hwanyi Solomona. 1:3

E so bunen wakaco unyâm; Ke haba iâm, me helâ me wakaco adre hingâlâ; Anyin a wale ame hnyok köu wahlu.

Khumöng Hwanyi Solomona. 4:14

Nardo me keroko, Kane me kinamo, tha e me je ûöiny hia libanu; Muro me aloe, me je hing ûö ae bo so.

Isaia 43:24

U je ca ûcû ûö ae hnebwia hobi könya hwaban mone, ke u je ca osekuni nya ge pipikhenyainy ânyâm ta je hut: ke u je hia but ohmaki nya ge ânyâm ta je hulo, u je hia but osenyini nya ge hwakecâm ae kong.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Ezekiela 27:19

Haba Vedana me Jevana ödru me ûco tö hnyi ânyâm je hna ûcû; ke fao ame hadröngöc, ke kasia, ke kani hnyi ânyâm je hna ûcû.

Ezekiela 27:22

Tavat ûcû hnyi Sheba me Rama tavat adre me ûcû möu; adre me ûco hnyi ânyâm je hna ûcû je utö hia ae bo so ae ûnyi hnathu, me je veto ae ûnyi hnathu hia, me gol.

Numera 4:16

Ke haba Eleazara nöku Arona at bihut ame he ka tuö wakaco hnân umumelam, me je unyi ae be so hnân le, me hudiny han a e bala bi, me wakaco hnân hû, me hanymen uma mano hia, me ta je ûnyi hia hnyin, me dok ae kap, me omjehen hia.

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?