Esodo 3:16 - Iaai Bible 1901 (New Caledonia)

¹⁶ He thö u he ka ûkhacaköuâ wahingatiny Isaraela, me ha ködra, ka habe, A manen dut könya Iehova, Khongon lakamöbun, Khongu Aberahama, me Khongu Isaaka, me Khongu Jekob, me ame ha, ka habe, Inya oge hia but senʼ öbun, me wâ ta je ûnyi adre ânyâ köbun e Aigupito:

Esodo 3:16 ပူးပေါင်းရင်းမြစ်များ

Genese 1:7

Ke Khong ame ânyâ bwang, me sihnyigöulen je köiö eû hmelen bwang, ûnyi hnyi je i köiö ethö hon bwang: ke e but e.

Genese 21:1

KE haba Iehova ame senö Sara helâ me hnen hna ha, me Iehova ame ânyâ kö Sara helâ me hwan hofuc.

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Genese 48:15

Ke e ame hahnahici Josefa, me ha, ka habe, E so ame he Khong, wale hnen lakamök Aberahama me Isaaka hna he hnyi hnyimakan, a Khong waleji at ame ha ök hwân kʼ iny tiga wanakat ke ne o but hnyi bong ang,

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

Salamo 102:21

Me me he tavat ka ha iö Iehova hnyi Ziona, Me hnân ogânâ e hnyi Jerusalema;

Salamo 33:18

Wâ bi, e bi emakö Iehova hon tavat adre me outen e, Wale tavat adre me halubahingen anyin tang betenge;

Salamo 8:4

Ehö at bi, mʼ u me ke ka ûnykûme gan? Me nokon at, mʼ u me he ka senâ?

Esodo 1:8

Ke a o thö ke thaniny Aigupito a teb ûnyi, at ae ca khana Josefa.

Esodo 13:19

Haba Mose ame hom ta je jeiö Josefa: anyin a hia but khemanyin ka laku Isaraela, ka habe, E hnathu ame he Khong ka senʼ öbun; ke hamöbun he ka hom minya je jeiök ûnyi eang.

Esodo 15:14

A löug ut ta je hnyei, adre me öbubuny: Vec ae gan ame o ka tavat adre me labâ Filisiti.

Esodo 17:5

Ke haba Iehova ame ha kö Mose, ka habe, He thö hnyi hnyimakan tavat ke hom dö ke je hingatiny at Isaraela, ke hom minya thö ânyâm uci hnyi hnyamâm, waleji u je kot kâu wagewe, ke he thö.

Esodo 18:12

Ke Jethero, ûngu Mose, ame hom hut adre le me je hut ka Khong: ke ame o Arona me wahingatiny Isaraela hia he ka tha han me ûngu Mose hnyi hnyimakan Khong.

Esodo 2:25

Ke Khong ame wâ je lakon Isaraela, me Khong ame wâhmakhmetu ödra.

Esodo 24:11

Ke e ame ca ip hnyamen hon je thaniny lakon Isaraela: kʼ odrin e wâ Khong me han me ic.

Esodo 3:2

Ke ame manen kâu angela anyi Iehova hnyi bâhlân meic hnyi wanben ûö ae ûdedö: ke ame wâ, me wâ bi, ame hlâ meic hnyi ûö, kʼ ame ca aû but ûö.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 4:1

KE haba Mose ame thu me habe, Wâ bi adre me ca he ka köp nya, me löng ifucik: anyin adre me he ka ha, ka habe, A ca manen köu Iehova.

Esodo 4:29

Kʼ ame he Mose me Arona me ûkhacaköuâ wahingatiny lakon Isaraela hia:

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Esodo 4:5

mʼ adre me he ka kap a ga manen köu Iehova, Khongon lakamödra, Khongu Aberahama, me Khongu Isaaka, me Khongu Jekob.

Mataio 26:3

Ke hnyi ûen e, ame ûkhacaköu thö je taben tavat bihut, me hnyat sihnalimen, me wahingatiny hnyei ka hnyi uma umen taben bihut ae nua, Kaiafa ien;

Luka 1:68

E so adre me haisoâ Than Khongu Isaraela; Anyin a e ame senâ me bi hwaban möt hobi kâu lakeiny,

Luka 19:44

me othahoni u me kânâ, u me je lakom unyâm; ke ame ca he ka hnen ke veto hon ke veto hnyi wanbâm; anyin ae ca khanö u ûen adre me senʼ u hnyin.

Ta je huliwa 11:30

me adre me ânyâ e, me kunâ ka wahingat a deny Banaba me Saulo.

Ta je huliwa 15:14

Haba Simona ame hia but omanenâ hnen Khong hna senâ bânâ Aten ta je hnyei, he ka hom ûnyi gadra hnyei hobi kâu ien.

Ta je huliwa 20:17

Ke e ame ûkhûnöng Efeso ai ûheny Mileto he ka hawâ wahingatiny ekalesia.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 5:1

INYA oge me sihwegiâ wahingat unyibun, inya minya ang ke hingat, me at ohnatho je vec anyin Keriso, me at ame he ka hnyi hu hmanenang ame he ka manen:

Rutha 1:6

Me e ame todrö me laûngon, me hmetu ûheny hnyi hnyei Moaba: anyin a long ut hnyi hnyei Moaba a Iehova ame senâ lakeiny me me ha ödrin.