Esodo 3:15 - Iaai Bible 1901 (New Caledonia)

¹⁵ Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Esodo 3:15 ပူးပေါင်းရင်းမြစ်များ

Genese 24:12

Me e ame ha, ka habe, Iehova Iö, Khongu Aberahama a tuhök, ö u kunâ so könya hnyi bong ang, me betenge ju kö Aberahama a tuhök.

I. Man Ûlabainy Je Than. 16:16

Waleji e ame ânyâ me Aberahama, Me hnen hna khemanyin kö Isaaka;

I. Man Ûlabainy Je Than. 29:18

Iehova lö, Khongu Aberahama, me Isaaka, me Isaraela a lakamöhmun, tuö ju hnyi ûnykûme me weny je hnyekon lakem nyiele balua, ke ohmâ je hnyekudrin köu bi:

II. Man Ûlabainy Je Than. 28:9

Ke e hu eling ke perofeta anyi Iehova, Obed ien: ke e ame he me ûkhanö me je utbavat adre me o hnyi Samaria, me ha ködrin, ka habe, Wâ bi, anyin a Iehova Khongon lakamöbun ame hmonyin ka at Juda, me ame hnʼ ödrin ka hnyi hnyamöbun, mʼ öbun e hia but hlingʼ ödrin kʼ ame sâ thö hnyi drany ai anyibun hmonyin.

Salamo 102:12

Ke haba u Iehova lö, u me he ka laba nyiele balua; Me hna ûnykûme köu, ke ne o but ka hnyi je dö hia.

Salamo 102:13

U me he ka tot me betenge ge Ziona: Anyin a ûen dut he ka betenge gan, eke, a o but ûen adre thu.

Salamo 135:13

Iehova lö, ke ne o but nyiele balua iâm; Iehova lö, ke ne o but hnyi ta je dö hia hna ûnykûmi u.

Salamo 30:4

Öbun anyin wakap lö, e so öbun e olungâ kö Iehova, Ke oleâ ka ien ae kap.

Salamo 30:5

Anyin ae ti okhulit anyin hmonyin; E hu möt bi hnyi anyin ibetengiö baû Adre me ne tenge hnyi sahac, Me ame o thö senyin hnyi hnyomakatu.

Salamo 68:5

Haba Khong hnyi hnyaban ae kap, E thibi kamen ta je nakahme, me at owisa ka ta je safac.

Salamo 72:17

Amo he ka tethmâ ien nyiele balua; Kʼ ame he ka e bala bi e ka tiga hu seûno ethö: Ke ame he ka hnahic tavat ûnyi gan; Ame he ta ogo hnyei hia ka ha a e ame senyin.

Salamo 72:19

Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

Esodo 15:2

Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Esodo 15:3

Iehova thibi at vat: Iehova ien.

Esodo 3:13

Ke haingö Mose ka Khong, ka habe, Wâ bi, iny ka o ka je lakon Isaraela me ha ködra, ka habe, A kunö nya köbun Khongon lakamöbun; ke adre me he ka ha könya, ka habe, Ia ien? oge ma he ka thu ködra ieû?

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 4:1

KE haba Mose ame thu me habe, Wâ bi adre me ca he ka köp nya, me löng ifucik: anyin adre me he ka ha, ka habe, A ca manen köu Iehova.

Esodo 4:5

mʼ adre me he ka kap a ga manen köu Iehova, Khongon lakamödra, Khongu Aberahama, me Khongu Isaaka, me Khongu Jekob.

Esodo 6:2

Ke Khong ame fuc kö Mose, me ha kâu, ka habe, Inya iehova:

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 33:2

Walang hna ha hnö Iehova at ame ânyâ, a Iehova at ame op e, me ohmâ e, Iehova ien;

Daniela 2:23

Inya oge me ole me oganö u Khongon lakamök, u at a ham könya metâ me man, ke u je hia but omanenâ könya walang ang hnöhmun hna sumatö u: anyin a u je hia but omanenâ kohmun ûnyi anyin than.

Hosea 12:5

wale Iehova Tuhan sabaoth; Iehova, wale hnân ûnykûme e.

Hosea 12:6

Anyin a wale hmetu ju ka Khongom: tuö ju ibetengiö me hna owisa, ke halubahingen bala Khongom.

Levitiko 24:11

ke haba nokon momo Isaraela ame haikongoâ ien Khong, me ûhangö: me adre me hom e kö Mose. Haba ien hinyen, me, Selomith, noku Deberi, ûnyi hnyi tribu Dana.

Mika 4:5

Anyin a tavat adre me ve he hnyi ien ta je khongudrin, ke ate me he bi öta ka he hnyi iö Iehova Khonguta nyiele nyiele balua.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Mataio 22:32

Inya ang Khongu Aberahama, me Khongu Isaaka, me Khongu Jekob? Haba Khong, me ca Khongon bi tavat adre mokcu, ke so bi tavat ae möt.

Ta je huliwa 3:13

Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e.

Ta je huliwa 7:32

ame ha, ka habe, Inya ang Khongon lakâmâm, wale a Khongu Aberahama, me Isaaka, me Jekob. Haba Mose ame öbubuny me ot ka wâ.

Deuteronomi 1:11

E na he ju Iehova Khongon lakamöbun ka osehi ʼöbun a je thauzaniny, me ohnahici öbun hoton hnen hna ha köbun!

Deuteronomi 1:35

Haba hnyi dö eang ae kong, me ba at a khaca ame he ka wâ hnyei ae so, waleji oge me khemanyin he ka ham ka lakamöbun,

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.