Esodo 3:14 - Iaai Bible 1901 (New Caledonia)

¹⁴ Haba Khong ame ha kö Mose, ka habe, inya ang a e, ke ka inya ang: ke e ame ka, ka habe, U ma ha helâng ka lakon Isaraela, ka habe, inya ang at a hia but kunö nya köbun.

Esodo 3:14 ပူးပေါင်းရင်းမြစ်များ

Jobu 11:7

Hawa, u je ne elâm Khong, e khatö u he ka wâ? E khatö u he ka ti wâhmakhmeto Ataekhanahia?

Salamo 68:4

Khumöng dö ka Khong, ogânâ thö ien: Khaû thö gethen hobi kâu at ame he hnyi wanben je hnyebuba; Ien bi Ja; ke senyin dö hnyi hnimakan.

Salamo 90:2

Adre me tiga ca hnokoâ ta je bucen, Kʼ u tiga ca op hmeleledrany me hon kânâ, Waleji hwân adrem balua ke ne o but nyiele balua, u thibi Khong.

Esodo 15:3

Iehova thibi at vat: Iehova ien.

Esodo 23:21

Wâ wia e bi, me löng hoton hwan hofuc: ca he ka ohmönyinâ: anyin a e ame ca he ka hna degecâ hnâm ta je hna hanyâûâ; anyin a eû hnyi hnyekon iök.

Esodo 3:13

Ke haingö Mose ka Khong, ka habe, Wâ bi, iny ka o ka je lakon Isaraela me ha ködra, ka habe, A kunö nya köbun Khongon lakamöbun; ke adre me he ka ha könya, ka habe, Ia ien? oge ma he ka thu ködra ieû?

Esodo 6:2

Ke Khong ame fuc kö Mose, me ha kâu, ka habe, Inya iehova:

Esodo 6:3

ke oge manen dut kö Aberahama, me Isaaka, me Jekob, a inya Khong Aekhanahia, ke ca khanʼ odrin bi ehac a haba iök me iehova.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Mataio 18:20

Anyin a haba dok ame ûkhacaköu hnyin li at a lo, ame ne kun, hnyi iök, me inya ling hnyi wanbödrin.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Ioane 8:28

Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

II. Korinito 1:20

Anyin a eja ke ne a ne habânâ ta je ûnyi ae ti se hia Khong, me ûnyi thibi gan bi, ka habe, eke: waleling me me ûnyi thibi minya gan Amen, mʼ adre me he ka ogânâ Khong ûnyi gahmun.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.

Hna Omanenâ 1:17

Ke oge me wâ e, me oge me ta hnyi hmelen li can helâ me at a mokcu. Me e ame ip hnyamen a metân huk, me ha, ka habe, ca ot; Inya ang a bân me biliny,

Hna Omanenâ 1:4

Inya Ioane oge me set ka ta je ekalesia a seven hnyi Asia: E so e unyibun ibetengiö bâu, me ûsoköu ûnyi gan, at a e walang ang, ke kâû adrem, ke ame he ka o; me ûnyi ge ta je Hanu a seven hnyi hnyimakan anyin theron;

Hna Omanenâ 1:8

Inya ang Alefa me Omega, haingen Than a Khong, a inya ang, ke inya kâû adrem, ke inya at ame he ka o, At ae khana hia.

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.