Esodo 3:12 - Iaai Bible 1901 (New Caledonia)

¹² Ke ame ha, ka habe, Inya oge me he ka tha e möu; ke walang haten köu hnyi hnök hna kunö u, ka habe, U ka um dö hom tavat ûnyi hnyi Aigupito, öbun e he ka bi athnyabainy Khong hnyi hon bucen eang.

Esodo 3:12 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 15:8

Me e ame ha, ka habe, Than Iehova lö, ieû haten könya a oge me he ka tren e?

Genese 26:3

u ma laba kanyua hnyi hnyei eling, ke oge me he ka tha e möu, me ohnahici u; anyin oge me he ka ham köu me ta je mâtrânâm ta je hnyei hia eang, me oge me he ka ohwâdâ hnök hna ûhihinyköu kö Aberahama a kâmâm;

Genese 31:3

Ke Iehova ame ha kö Jekob, ka habe, He hmetu thö ka hnyi hnyei iny lakâmâm, me lahanâm; me ame he ka tha inya möu.

II. Je Than 19:29

Ke walang haten köu: a öbun e he ka han ûnyi ame ku hwege hnyi huna ang, ke haba hnyi huna a loiny ûnyi ame ku hwege minya hwaban; ke haba hnyi huna a kuniny öbun e he ka belök, me menu, me ta ta je hnyei vine me ijem wan.

I. Man Ûlabainy Je Than. 9:20

ke Fineasa nöku Eleazara at ame musi ödrin ehac, ke tha Iehova mê.

Salamo 86:17

Omanenâ thö könya haten ae sa; Me me he ka wâ me hmehma bi hnen tavat adre me hûkötiö nya, Anyin a u Iehova at ame hadruo nya, me otubweli nya.

Esodo 18:5

ke haba Jethero, ûngu Mose, ame hom li lakon me âiân kö Mose hnyi hnyebuba, hnyi dok e ame hunuma hnyin, hnyi bucen anyin Khong:

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Esodo 3:13

Ke haingö Mose ka Khong, ka habe, Wâ bi, iny ka o ka je lakon Isaraela me ha ködra, ka habe, A kunö nya köbun Khongon lakamöbun; ke adre me he ka ha könya, ka habe, Ia ien? oge ma he ka thu ködra ieû?

Esodo 33:14

Ke e ame ha, ka habe, Ötu tha he, ke oge me he ka omeno u.

Esodo 4:12

Ke walang ang he thö, me oge me he ka tha inya me hnyimâm, me nö u hofuc he ka ha.

Esodo 4:15

Ke u ma he ka ha hofuc kâu, me bi hofuc ka hnyi hnyimen: ke oge me he ka tha inya me hnyimâm me hnyimen, me ku köbu ûnyi öbu me he ka ânyâ.

Esodo 8:27

Ohmun e he ka he hnyi kun ta bong ka hnyi hnyebuba he ka bi hut kö Iehova Khonguhmun, hoton hnen hna hûna köhmun.

Isaia 37:30

Ke walang ame he ka haten köu: öbun e he ka han ûnyi ame kû hwege hnyi huna ang, ke haba hnyi huna a loiny öbun e he ka han ûnyi ame kû hwaban e; ke haba hnyi huna a kuniny, me öbun e he ka belök me menu, me tä je hnyei vine me ijem je wan.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Numera 16:28

Ke Mose ame ha, ka habe, Walang haten mʼ öbun e he ka wâhmakhmeto a gʼ ame kunö nya Iehova he ka ânyâ ta je huliwa hia eang; anyin a ca ûnyi gak.

Numera 23:21

E ame ca wâ hulö unyi Jekob, Kʼ ame ca wâ monu ga Isaraela: E unyin Iehova a Khongon, Ke e hnyi wanbödra ûhongötiny than.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Mareko 16:20

Me ödrin e he but me khetâ hnyi ta je hnyei hia, ke Than ame tha huliwa mödrin, me ohnathoâ ta je hofuc ge ta je haten ame tha he. Amen.

Ta je huliwa 11:21

Me ame tha e mödra hnyamen Than: ke ödra se hia adre me labageju me hwio ka Than.

Ta je huliwa 7:7

Haingen minya Khong, ka habe, Oge me he ka bi hwaban ka hnyei adre me he ka huliwa kâu, ke hwaban e adre me he ka he but me bi atök hnyi hnyei ang.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Deuteronomi 31:23

Ke e ame hûna kö Josua nöku Nuna, ka habe, Hwege thö ke hnyok baga thö; anyin a u me he ka hom lakon Isaraela ka hnyi hnyei oge khemanyin ködra: me oge me he ka tha inya möu.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Josua 1:5

E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.

Owisa 6:12

Ke ame manen dut kâu angela anyi Iehova, me ha kâu, ka habe, E bi unyâm Iehova, u baga ae hwege.

Owisa 6:16

Haba Iehova ame ha kâu ka habe, Oge me he ka tha e möu, ke u me he ka kot at Midiana helâ me at a khaca.

Owisa 6:17

Ke haingen kâu, ka habe, Oge ne hia but kap betenge baû hnyi hnyimâkâm, u me he ka ânyâ könya haten, a u at ame ûhnenamö mönya.

Owisa 6:21

Me haba angela anyi Iehova ame inâ but hnyiban uci hnyi hnyamen, me kâlâ meno me areto adre ca levenâ; me ame o thö meic ûnyi hnyi kic me thong degecâ meno me areto adre ca levenâ; me ame he but angela anyi Iehova, kʼ ame ca wâ bi.

Owisa 7:11

ke u me he ka long ûfucidrin; ke hwaban e adre me he ka ha hwegien li hnyamâm he ka utut ka hnyi hna hunuma. Me e ame tha he me Fura athnyabainy, ke ne o but ka hnyi hoton tavat adre me hom omjehen vat hnyi hna hunuma.

I. Samuela 14:10

Ke ödrin e ne ha helâng, ka habe, Ölö thʼ öbu kohmun; awe, ötu me he ka ölö thö; anyin a hia but Iehova hnʼ ödrin kötu: ke walang haten kötu.