Esodo 3:10 - Iaai Bible 1901 (New Caledonia)

¹⁰ Anyin a wale aiö u, oge me he ka kunö u ko Farao, mʼ u ma he ka hom lakeik a lakon Isaraela, ûnyi hnyi Aigupito.

Esodo 3:10 ပူးပေါင်းရင်းမြစ်များ

Genese 15:13

Ke e ame ha kö Aberama, ka habe, Wâhmakhmeto ju u, haba je mâtrânâm adre me he ka laba kanyua hnyi hnyei a ca idra, ke adre me he ka bi athnyaba ködra; ke adre me he ka oveci ödra vak ta haded ta je huna;

Genese 15:14

ke oge me he ka owisa ka hnyei eling minya, adre me bi athnyabainy: ke hwaban dö e adre me he ka he hmetu me omjeû ae gan.

Salamo 105:26

E ame kunö Mose a athnyabainy, Me Arona wale hnen hna ûca.

Salamo 77:20

U je su lakem helâ me hnahat mamoe, Ge hnyamö Mose me Arona.

Esodo 12:40

Ke haba je hunainy laba a lakon Isaraela hnyi hnyei Aigupito, me foa haded ke thöte.

Esodo 12:41

Ke haba hnyi obiny je huna a foa haded ke thöte, hnyi bong eling ame he but ta je köiö anyi Iehova hia ûhedra hnyi hnyei Aigupito.

Esodo 33:12

Ke haingö Mose kö Iehova, ka habe, Me wâ bi, u je ha könya, ka habe, He thö ka hom tavat eang: ke u tiga ca omanenâ könya at u me he ka tha kunâ mönya. Ke so bi u je ha, ka habe, E khanö u inya me iâm, ke inya oge me betenge köu.

Esodo 33:13

Anyin a wale, u je ne betenge gak, ö u omanenâ könya dem gethen, me me khanö nya u, me u me betenge gak: ke ûnykûme ju a haba hnyei ang me hing lakem.

Esodo 6:26

Ke haba Arona me Mose, me, wale li at ame ba ködru Iehova, ka habe, Hom but je lakon Isaraela ûnyi hnyi hnyei Aigupito hoton anyidra je dö.

Hosea 12:13

Ke haba Iehova ame hum Isaraela ûheny Aigupito a deny perofeta, me tuö e a deny perofeta.

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Ta je huliwa 7:34

Inya oge hia but wâhmakhmetoâ hna okongoâ lakeik hnyi Aigupito, ke oge long ut anyidra mâng, ke oge me o but ang he ka höi ödra: ke walang ang aiö u, oge me he ka kunö u Aigupito ai.

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Ta je huliwa 7:6

Ke haba Khong ame ha helâng ka habe, ame he je mâtrâniny ka laba kanyua hnyi ke hnyei bi, ke adre me ha ka hwenbʼ ödra, me okongoâ hnyi foa haded je huna.

Ta je huliwa 7:7

Haingen minya Khong, ka habe, Oge me he ka bi hwaban ka hnyei adre me he ka huliwa kâu, ke hwaban e adre me he ka he but me bi atök hnyi hnyei ang.

Owisa 6:14

Ke haba Iehova ame wâ e, me ha, ka habe, He thö me tang hwegiâm eang me omelö at Isaraela ûnyi hnyi hnyamö Midiana: hawa, oge me ca kunö u?

I. Samuela 12:6

Haba Samuela ame ha ka tavat, ka habe, E bi Iehova, at ame otilö Mose me Arona, me hom je lakamöbun ûnyi hnyi hnyei Aigupito.

I. Samuela 12:8

Haba hnyi ûen ame o Jekob hnyi Aigupito, me ame tenge lakamöbun kö Iehova, me haba Iehova ame kunö Mose me Arona, ödre hom lakamöbun ûheny Aigupito, me olabʼ ödrin hnyi dok eang.