Esodo 3:1 - Iaai Bible 1901 (New Caledonia)

¹ KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Esodo 3:1 ပူးပေါင်းရင်းမြစ်များ

I. Je Than 19:19

Me e ame he ûheny e, me ō Elisaia nöku Safata ame wia kânâ me twelv je ûcû lo li bolok hnyi hnyimakan, kʼ ame tot me at a twelviny: me Elia ame he kâu me khûâ anyin ûkhaû ka hnyi hon.

I. Je Than 19:8

Me e ame todrö me han me ic, me e ame he fâte je bong ke fâte je lit ge troban han eling, ke ne o but hnyi Horeba bucen anyin Khong.

Salamo 106:19

Adre me ânyâ nokon kau hnyi Horeba, Me khudrung ka hnatheat adre okoiâ.

Esodo 17:6

Wâ bi oge me be ka tot hnyi hnyimâkâm wale hon bân kic hnyi Horeba; ke u me he ka kot kic me me hingölö but köiö ûnyi hnyin. Ke haba Mose ame ânyâ e hnyi hnyimakan wahingatiny at Isaraela.

Esodo 18:12

Ke Jethero, ûngu Mose, ame hom hut adre le me je hut ka Khong: ke ame o Arona me wahingatiny Isaraela hia he ka tha han me ûngu Mose hnyi hnyimakan Khong.

Esodo 19:11

mʼ adre me penapena hobi kâu bong a kuniny: anyin a haba hnyi bong a kuniny ame he Iehova ka utut hnyi hnyimakan tavat hia thithö hon bucen Sinai.

Esodo 19:2

Kʼ adre me he ûheny Refidima, me o hnyi hnyebuba Sinai, me adre me hunuma hnyi hnyebuba; ke haba at Isaraela adre me hunuma cicö bucen.

Esodo 19:3

Ke haba Mose ame ölö thö ka Khong, ke haba Iehova ame hongot kâu ethö hon bucen me ha kâu, ka habe, Walang hofuc u me he ka ha ka lap anyi Jekob, me thumeto lakon Isaraela, ka habe;

Esodo 2:16

Ke e hu ge at bi hut hnyi Midiana lakon ta hlu a seven: kʼ ödrin e o but he ka se köiö me ounöngötâ ta je kumete he ka habelen ta je hnahat mamoe haleny ka-mödrin.

Esodo 2:18

Kʼ ödrin e o but kö Reuela a kamödrin, me haingen, ka habe, Ieû gabun iibon e ie o hnyi bong angî

Esodo 2:21

Ke so kö Mose he ka tha laba me at e: ke ame ham Zipora a nokon hlu kö Mose.

Esodo 24:13

Ke Mose ame todrö me Josua athnyabainy: ke Mose ame öliâ bucen anyin Khong.

Esodo 3:12

Ke ame ha, ka habe, Inya oge me he ka tha e möu; ke walang haten köu hnyi hnök hna kunö u, ka habe, U ka um dö hom tavat ûnyi hnyi Aigupito, öbun e he ka bi athnyabainy Khong hnyi hon bucen eang.

Esodo 3:5

Ke ame thu, ka habe, Ca hakekeny bi kââng: uny jut taben li hnyeûcam ûnyi hnyi li cam, anyin a haba dok e u me tot hnyin, me, wale kânâ ae kap

Esodo 33:6

Ke haba lakon Isaraela adre me uny jut je theibidra hwân hnyi bucen Horeba.

Esodo 4:18

Ke haba Mose ame he hmetu kö Jethero a ûngon, me ha kâu, ka habe, Ō u hnö nya but he ka he hmetu Aigupito ai ka je liamekeiny mönya he ka wâ, hawa ödrin e ne möt. Ke haingö Jethero kö Mose, ka habe, He thö me hnahic.

Esodo 4:27

Ke Iehova ame ha kö Arona, ka habe, He thö u he ka ûkhanö me Mose hori hnyebuba. Ke ame he me ûkhanö më hnyi bucen anyin Khong, me ûcimhnyimak më.

Amosa 1:1

WALANG hofuc ho Amosa, wale at ame tha e me tavat tuö omeno hnyi Tekoa, ke walang wâhnen ge at Isaraela hnyi je bong bongu Uzia than Juda, me hnyi je bong bongu Jeroboama nöku Joasa than Isaraela, lo li huna ke tiga hia bi hwioi.

Malaki 4:4

Ûnykûme thʼ öbun hnanyibu anyi Mose athnyabaik, waleji oge me hûna kâu hnyi Horeba hobi kâu at Isaraela hia, wale je hna otilâ, me hna owisa.

Numera 10:29

Ke haba Mose ame ha hö Hobaba, nöku Reuela, at Midiana, a ûngu Mose, ka habe, Ohmun e he ka hnyi hnyei waleji Iehova ame ha, ka habe, Oge me he ka ham köbun; aiö u ötin e tha he, ke ohmun e he ka ânyâ so köu, anyin a hia but Iehova ha so kö Isaraela.

Numera 10:33

Ke adre me he but ûhedra hnyi bucen anyi Iehova hnyi kun ta bong; ke haba tangen ûhihinyköu ame he bân hnyi kun ta bong, he ka elâm hna menâ hobi ködra.

Luka 2:8

E hu tavat tuö mamoe hnyi hnyei eling, ödrin e hmâkâ hnyi hnyinghet haledrin ta je mamoe.

Ta je huliwa 7:30

Ke hwaban je huna a fâte, ame manen dut kâu hnyi hnyebubainy bucen Sinai angela hnyi bâhlân meic hnyi ong ûö.

Deuteronomi 1:2

Eleven ta je bong ka he ûheny Horeba gethen hnyi bucen Seira ke ne o but Kadesi-banea.

Deuteronomi 1:6

Haba Iehova Khonguta ame ha köta e Horeba, ka habe, So ju hnobun hna laba hnyi bucen eang:

Deuteronomi 4:10

waleji hnyi bong u je tot hnyi hnyimakö Iehova Khongom hnyi Horeba, kʼ ame ha könya Iehova, ka habe, Ûkhacaköu thö könya tavat, mʼ adre me he ka löng hok je hofuc, me me khanʼ ödra he ka outö nya hnyi ta ogo bong bongon anyidra möt hnyi hnyei, mʼ adre me he ka ûnö ka lakudra.

Owisa 4:11

Ke haba Heberu at Keni ame ûsâkâûö me at Keni ehac, wale laku Hobaba ûngu Mose, ke e ame otilâ umen uma mano hnyi iwajo hnyi Zananim, hnyi baten Kadesi.

I. Samuela 16:11

Me haingö Samuela ko Jese, ka habe, Hawa, e ba minya lakom! Me haingen, ka habe, Khaca biju, wale wakeiat hmonyin ke, wâ bi, e ame tuö je mamoe. Ke haingö Samuela kö Jese, ka habe, Ûkhûnöng do he ka hom: anyin a ötin e ca he ka laba ju ke ne o but e ame o thö.