Esodo 28:8 - Iaai Bible 1901 (New Caledonia)

⁸ Ke haba wen iefoda adre hwâwâ metâ, hnân he ka okhavâ, adre me he ka huliwan a tha ûcû me, me khaca me; wale gol, me mano ae udrndrâ, me udrudrâ hlit, me dra vec, me lino ae ûhnyûkong nân adre seveny.

Esodo 28:8 ပူးပေါင်းရင်းမြစ်များ

Esodo 28:7

Ame he ka hu ke mano hon li bajebenyin adre ûtibetköuâ hnyi li hnyiban; me me khaca thibi.

Esodo 28:9

Ke u me he ka hom li veto soama, me kave hon ien lakon Isaraela:

Esodo 29:5

Ke u me he ka hom je ûkhaû, me okhaûö Arona ge ûkot me khaûen ae beû hanen iefoda, me iefoda, me tubwiny ûlainy, ke u me he ka oweikâ e ge wen iefoda adre hwâwâ metâ:

Esodo 39:5

Ke haba wen e, wale adre hwâwâ metâ, hnân ca e, adre khaca me, ke tha ûcû me hna huliwan e; wale gol, me udrudrâ, me udrudrâ hlit, me dra vec, me lino ae ûhnyûkong nân adre seveny; helâ me hna hûna hnö Iehova kö Mose.

Isaia 11:5

Ke wen hnyekon hwakecin bi ae wisa, ke wen fetriny hwakecin bi ae hnathu.

Levitiko 8:7

Ke e ame okhâûâ e ge ûkhaû, me oweikâ e ge wen hnyekon, me okhâûâ e ge ûkhaû ae beû me iefoda, me oweikâ e ge wen iefoda adre hwâwâ metâ, me hûkâlâ e hnyi fetriny ûnyi gan.

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

Hna Omanenâ 1:13

ke e hnyi wanben je taben lamepa a seven ke at helâ me Nokon at, a khavâ ûkhaû ame beû ke ne o but hnyi hnyeûcan, ke ame weikâ ûlainy ge wen a gol.