Esodo 28:12 - Iaai Bible 1901 (New Caledonia)

¹² Ke u me he ka ohmâ li veto ka hnyi hon li bajebenyin iefoda, me me li veto hnân oûnykûmeâ ka lakon Isaraela: kʼ ame he Arona ka hom je iödrin hyi hnyimakö Iehova hnyi hon li bajebenyin hnân oûnykûmeâ.

Esodo 28:12 ပူးပေါင်းရင်းမြစ်များ

Jobu 31:36

Me oge me he bi nya ka vadren e hon bajebenyik; Me obicâ nya kâu, e me anyik korona.

Salamo 89:19

U je ha eji ka latâm ae kap deny hna; omanenâ, Haingâm, ka habe, Oge hia but ip ûhadruo unyin at ae hwege; Oge hia but ogöranyâ hna ûca unyin tavat.

Esodo 12:14

Ke ame he bong ang ka oûnykûmi öbun, mʼ öbun e he ka ânyâ hnyin bijeû kö Iehova: hnyi anyibun je dö hia öbun e he ka bijeû helâ me hnanyibu nyiele balua.

Esodo 13:9

Kʼ ame he ka bi haten köu ûnyi eling hnyi hnyamâm, me hnân oûnykûmeâ hnyi wanben li emâkâm, me me he hnanyibu anyi Iehova ka hnen hnyi hnyimâm: anyin a Iehova ame hum u ûhem Aigupito hnen hnyamen ae hwege.

Esodo 28:11

U me he ka kave hon li veto je ien lakon Isaraela, ge huliwa anyin at ame khavi veto, helâ me bongon kave ûnyi hnân bi haten: u me he ka ânyâ me ohmâ hnyi li gol hnân taben.

Esodo 28:29

Ke ame he Arona ka hom je ien lakon Isaraela hnyi tubwiny ûlainy, a ûnyi hnân owisa, hon oûnykûminy bi, e ka didro ka hnyi dok ae kap hnân oûnykumeâ bala hnyi hnyimakö Iehova.

Esodo 28:7

Ame he ka hu ke mano hon li bajebenyin adre ûtibetköuâ hnyi li hnyiban; me me khaca thibi.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 62:6

Jerusalem lö, o ge hia but ip tavat tue hon hagâm je hak; adre me ca he bala bi ka hum hnyi je lany me lit hia: öbun tavat öbun e ûnykûmi Iehova, ca he bi ka menâ,

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Levitiko 24:7

Ke u me he ka ip bon li gaö libanu ae so, me me e bi hon je areto hnân oûnykûmeâ, hnân hut a an ge meic kö Iehova.

Numera 16:40

me hnân oûnykûmeâ ka lakon Isaraela, me me ca he ka hakekenyâ ge atkanyua a ca hanen je mâtrâni Arona, he ka hudo ûnyi ae bo so kö Iehova; me me ca he ka helâ me Kora me lahien, hoton hofuc ho Iehova kâu a deny Mose.

Numera 31:54

Ke haba Mose me Eleazara at bihut ödru me hom gol ûnyi ge je taben je thauzan, me je taben je haded, me hom ka hnyi uma ûkhacaköu, hnân oûnykûmeâ ka lakon Isaraela hnyi hnyimakö Iehova.

Luka 1:54

E ame hom hadruâ athnyabainy a Isaraela, Kʼ ame ûnykûme ibetengiö,

Luka 1:72

He ka ânyâ betenge ka lakamöta, Me ûnykûme anyin ûhihinyköu ae kap;

Ta je huliwa 10:4

Ke e ame wâ hmâ e, me ame ot me ha, ka habe, Than lö ieû? Me haingen ame ha kâu, ka habe, A o but hijâm je hic me hnâm je hna betenge hnyi hnyimakan Khong hnân oûnykûmeâ.

I. Korinito 11:24

ke a hia but oleâ, e ame susubâ, me ha, ka habe, Hom dö, an ju, walang unyik hobi köbun: ânyâ thö e hnân he ka ûnykûme könya.

Deuteronomi 33:12

Ke e ame ha ga Beniamina, ka habe, Ame he ka laba khötkic unyin hnyat a betenge ködrin Iehova; E ame tube e hnyi bong hia, Kʼ ame laba hnyi wanben li bajebenyin,

Josua 4:7

Me öbun e he ka thu ködra, ka habe, Anyin adre subâ luâ köien Joridano hnyi hnyimakan tangen ûhihinyköu anyi Iehova: haba hnyi ûen e ame hanyâûâ Joridano, me adre subâ luâ köien Joridano: ke haba je veto ang me hnân oûnykûmeâ lakon Isaraela nyiele balua.