Esodo 26:30 - Iaai Bible 1901 (New Caledonia)

³⁰ Ke u me he ka otilâ uma mano hoton tulutiny adre hia but omanenâ köu hon bucen.

Esodo 26:30 ပူးပေါင်းရင်းမြစ်များ

I. Man Ûlabainy Je Than. 28:19

Haingö Davita, ka habe, Adre omanenâ könya hnyi tusi ta je ûnyi hia eling ge hnyamö Iehova wale ta je huliwainy hia tulut eang.

Esodo 25:40

Ke wâ bi, me u me he ka ânyâ ta je ûnyi e helâ me tulut adre omanenâ köu hon bucen.

Esodo 25:9

Öbun e he ka ânyâ helâ me ta je hofuc hia oge me omanenâ köu, tulutiny uma, me tulutiny omjehen, öbun e he ka ânyâ helâe.

Esodo 26:29

Ke u me he ka khavâ je esö ge gol, me ânyâ je otru gol hnân inâ je venyâ: ke u me he ka khavâ je vhenyâ ge gol.

Esodo 27:8

U me he ka tibet esöiny me olanyâ hnyin: adre me he ka ânyâ helâ me hna omanenâ köu hon bucen.

Esodo 40:2

U ma he ka otilâ uma mano hnân uma ûkhacaköu, hnyi bong a bâniny tehi a bân.

Numera 10:21

Ke ame hwân at Kohatha ka he, ödrin e kap tilâ ûnyi ae kap: ke haba keihen ödrin e otilâ uma mano hobi kâu ödrin ka o thö.

Numera 8:4

Ke walang hna huliwan taben lamepa, a gol adre huliwan ge hama; wale taben ke ne o but je vongon adre huliwan ge hama: e ame ânyâ taben lamepa hoton tulut a omanenâ Iehova kö Mose.

Ta je huliwa 7:44

E hu uma menâ a uma ohnatho unyin lakamöta hnyi hnyebuba, helâji me hna hûna kö Mose ame ha, ka habe, hamen he ka ânyâ hoton tulut e ame wâ.

Heberu 8:2

me hnyi hing uma menâ a otilâ hnen Than, ke ca hnen bi at.

Heberu 8:5

tavat adre me bi athnyabainy haten me hmenon ta je ûnyi ethö, helâji me hna nö Mose ge Khong hnyi ûen e ame he ka oumo but uma menâ: anyin a haingen, ka habe, O u âu me ânyâ ta je ûnyi hia thithö hoton tulut adre omanenâ köu hon bucen.

Heberu 9:23

Anyin a wale e ûcû he ka obosoâ je tulutiny ta je ûnyi hnyi drany hnen ta je ûnyi e; ke ûcû he ka obosoâ ta je ûnyi hnyi drany hnen ta je hut ae beönua hon e.

Josua 18:1

KE ame ûkhacaköu tavat a lakon Isaraela hia hnyi Silo, ke adre me otilâ eling uma mano a uma ûkhacaköu: ke ame ngâ but hnyei hnyi hnyimaködrin.