Esodo 25:9 - Iaai Bible 1901 (New Caledonia)

⁹ Öbun e he ka ânyâ helâ me ta je hofuc hia oge me omanenâ köu, tulutiny uma, me tulutiny omjehen, öbun e he ka ânyâ helâe.

Esodo 25:9 ပူးပေါင်းရင်းမြစ်များ

Esodo 25:40

Ke wâ bi, me u me he ka ânyâ ta je ûnyi e helâ me tulut adre omanenâ köu hon bucen.

Esodo 26:30

Ke u me he ka otilâ uma mano hoton tulutiny adre hia but omanenâ köu hon bucen.

Esodo 39:32

Ke adre oumo helâe je huliwa hia hobi kâu uma mano, me uma ûkhacaköu: haba lakon Isaraela adre me ânyâ ta je ûnyi hia, helâ me hna hûna hnö Iehova kö Mose.

Esodo 39:42

Haba lakon Isaraela adre me ânyâ ta je ûnyi hia thithö e, helâ me Iehova ame hûna kö Mose.

Esodo 39:43

Ke haba Mose ame wâ ta je huliwa hia thithö, ke wâ bi, adre hia but ânyâ e; adre me ânyâ helâ me hna hûna hnö Iehova: ke haba Mose ame hahnahici odra.

Numera 4:12

ke adre me he ka hom je utkaia hia adre huliwa kâu, waleadre me huliwa kâu hnyi dok ae kap, me ip hnyi hnyin mano ae udrudrâ, me tube je ûnyi e hnen tubwiny a unen takasa, me bi venyâiny.

Numera 8:4

Ke walang hna huliwan taben lamepa, a gol adre huliwan ge hama; wale taben ke ne o but je vongon adre huliwan ge hama: e ame ânyâ taben lamepa hoton tulut a omanenâ Iehova kö Mose.

Ta je huliwa 7:44

E hu uma menâ a uma ohnatho unyin lakamöta hnyi hnyebuba, helâji me hna hûna kö Mose ame ha, ka habe, hamen he ka ânyâ hoton tulut e ame wâ.

Heberu 8:2

me hnyi hing uma menâ a otilâ hnen Than, ke ca hnen bi at.

Heberu 8:5

tavat adre me bi athnyabainy haten me hmenon ta je ûnyi ethö, helâji me hna nö Mose ge Khong hnyi ûen e ame he ka oumo but uma menâ: anyin a haingen, ka habe, O u âu me ânyâ ta je ûnyi hia thithö hoton tulut adre omanenâ köu hon bucen.

Heberu 9:2

Anyin adre me penapena ke uma menâ, wale at a bân, ke e hu eiö hnyin, taben lamepa, me laulau, me areto hnân omanenâ; adre hwenyi ien e, ka habe, Dok ae Kap.

Heberu 9:9

wale ûhoûcû hnyi ûen eang; waleji hnyi hnödra hna labö hudo ta je bwihlany me ta je hut, ae ca khana he ka obekhötâ at ame hmi, ge anyin ûnykûm sa,