Esodo 25:8 - Iaai Bible 1901 (New Caledonia)

⁸ Kʼ adre me he ka ânyâ hobi könya dok ae kap; mʼ inye he ka laba unyidra.

Esodo 25:8 ပူးပေါင်းရင်းမြစ်များ

I. Je Than 6:13

Ke oge me he ka laba unyin lakon Isaraela, ke oge me ca he ka hna degecâ lakeik a at Isaraela.

I. Man Ûlabainy Je Than. 22:19

Walang ang ham but je hnyekubun he ka elöm Iehova Khongubun; anyin a wale todrö, me op dok ae kap anyi Iehova Khong, mʼ adre me hom tangen ûhihinyköu anyi Iehova, me je kaia ae kap anyin Khong, ka hnyi uma adre me he ka otilâ hobi kâu iö Iehova.

Esodo 15:17

U ma he ka hum odra, me tʼ odra hnyi bucen, wale hwajekom, Iehova lö, wale hnâm u je ânyâ hnân hnyabam, Iehova lö, wale dok ae kap u je hia but ohmâ hnen li hnyamâm.

Esodo 15:2

Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Esodo 29:45

Ke oge me he ka laba hnyi wanben lakon Isaraela, mʼ oge me he ka Khongudrin.

Esodo 29:46

Kʼ ame he ka khanʼ odra a inya Iehova Khongudrin, waleji ame hum odra ûnyi hnyi hnyei Aigupito, mʼ inye he ka laba wanbödra. Inya Iehova Khongudrin.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Ezekiela 37:28

Me ame he je hnyei ka wâ a inya Iehova at ame okabi Isaraela, e ka e bi unyidra anyik dok ae kap nyiele balua.

Ezekiela 43:7

Ke e ame ha könya, ka habe, Nokon at lö, walang hnen anyik theron, me hnen li hnyeûcak, wale oge me he ka laba hnyin unyin je lakon Isaraela nyiela balua: ke ame ca he hmetu lap anyi Isaraela ka okongoâ iök ae kap, ödra, me latuhödra, hnen anyidra bi ûnyi monu, me hnen unyin latuhödra ae mok hnyi anyidra je dok ae gorany;

Levitiko 10:4

Ke haba Mose ame hao Misaela me Elizafana li laku Uziela a ke kamö Arona, me ha ködru, ka habe, Hok cu jem, me hom dö liamekeiny mʼ öbu ûhedrin hnyi hnyimakan dok ae kap ka hnyi hoton hnyaba.

Levitiko 21:12

ke e ame ca he ka he ûnyi hnyi dok ae kap, me okongoâ dok a kapiny Khongon; anyin a e hon ban wakaco hnân hû anyin Khongon: Inya Iehova.

Levitiko 26:11

Ke oge me he ka ip umök uma mano hnyi wanböbun, ke oge me ca he ka hûköti öbun.

Levitiko 4:6

kʼ ame he at bihut ka hneû banyen hnyi dra, me oseven dukâiâ dren hnyi hnyimakö Iehova, cicö singiny dok ae kap.

Zakaria 2:10

Khumöng dö ke senyin, u hluiny Ziona: anyin a wâ bi, oge me he, me oge me he ka laba hnyi wanbâm, haingö Iehova.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Numera 5:3

öbun e he ka kunâ obaga me omomo, bamöbun he ka kunʼ ödrin ka hnyi hoton je hnyaba; wâ ödra nye obokongâʼ öbun, a hnyei oge me laba hnyin.

Ta je huliwa 7:44

E hu uma menâ a uma ohnatho unyin lakamöta hnyi hnyebuba, helâji me hna hûna kö Mose ame ha, ka habe, hamen he ka ânyâ hoton tulut e ame wâ.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Deuteronomi 12:11

awe, haba dok ame he Iehova Khongubun ka ûca hnân umen ien bi; me öbun e he ka hom kâ e ta je ûnyi oge hûna köbun; wale je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun ta je khöbi hia ae ûnyi hnathu kö Iehova:

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Josua 22:31

Ke haba Fineasa nöku Eleazara at bihut ame ha ka laku Reubena, me laku Gada, me laku Manase, ka habe, E khanʼ otin dut hnyi bong ang a e unyita Iehova, anyin a öbun e ca ânyâ monu ang kö Iehova: walang öbun e omelö lakon Isaraela ûnyi hnyi hnyamö Iehova.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin: