Esodo 24:6 - Iaai Bible 1901 (New Caledonia)

⁶ Haba Mose ame hom ke keihen dra, me hingâlâ ka hnyi je kaia; ke haba kolon dra e ame dukâiâ kâu taben hut.

Esodo 24:6 ပူးပေါင်းရင်းမြစ်များ

II. Je Than 17:15

Ke ödrin e hna degecâ anyin je hnanyibu, me anyin ûhihinyköu waleji e ame ânyâ me lakamödrin, me hnen je hna ohnathoâ ködrin; ke ödrin e hnu hoton ûnyi ae ûnyi baû, me ödrin e hop bi, me hnu hoton je hnyei igigili ödrin, waleji a ha Iehova a ödrin e ca he ka ânyâ e ûcû mödrin.

Salamo 99:6

E bi Mose me Arona unyin anyin tavat bi hut, Me Samuela unyin tavat adre me hawâ ien; Ödrin e hongot kö Iehova, ke e ame thu ködrin;

Esodo 12:22

Ke hom dʼ öbun ta je thi hisop, me hneû hnyi dra hnyi utkaia, me sa hon hwanuma me li uthwanuma ge dra ûnyi hnyi utkaia; kʼ ame ca he ke at gabun ka dit kâ û ûnyi hnyi umen uma ke ne o but ka hnyi hnyomakatu.

Esodo 12:7

Kʼ adre me he ka hom dra me bi hnalimen hnyi li uthwanuma, me hon hwanumen ta je uma adre me he ka han hnyin.

Esodo 24:8

Ke haba Mose ame hom dra me dukâiâ tavat, me ha, ka habe, Wâ bi dren ûhihinyköu a ânyâ Iehova mʼ öbun hnyi je hofuc hia eang.

Esodo 29:16

Ke u me he ka hlingâ mamoe baga, me hom dren, me dukâiâ hon taben hut igigilö.

Esodo 29:20

Ke u me he ka hlingâ mamoe baga me hom ke keihen dren me kina hnyi boûlölöven hnyikönyö Arona a metân, me hnyi boûlölöven je hnyikönyen lakon Arona a metâ, me je bahnyökveto gadrin a metâ, me je bacan gadrin a metâ, me dukâiâ hon taben hut igigilö e ge dra.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Levitiko 1:11

Ke hamen he ka hlingâ e hnyi ke keihen taben hut ka hnyi hwadrö hnyi hnyimakö Iehova: ke hamen hnyat bihut a laku Arona, he ka dukâiâ igigilö ge dren hon taben hut.

Levitiko 1:5

Ke e ame he ka hlingâ bolok hnyi hnyimakö Iehova: ke hamen hnyat bihut, a je laku Arona, he ka hom dren, me dukâiâ igigilö ge dra wale hon taben hut a e hyni hwanumen uma ûkhacaköu.

Levitiko 3:2

Ke e ame he ka ip hnyamen hon ban anyin hut me hlingâ hnyi hwanumen uma ûkhacaköu: kʼ ame he laku Arona hnyat bihut ka dukâiâ dren igigilö hnyi hon taben hut.

Levitiko 3:8

ke e ame he ka ip hnyamen hon ban anyin hut me hlingâ e hnyi hnyimakan uma ûkhacaköu, kʼ ame he laku Arona ka dukâiâ dra igigilö hon taben bi hut.

Levitiko 4:6

kʼ ame he at bihut ka hneû banyen hnyi dra, me oseven dukâiâ dren hnyi hnyimakö Iehova, cicö singiny dok ae kap.

I. Korinito 11:25

Ke helâe minya me kaia, hwaban hna han, ame ha, ka habe, Haba kaia eang, me ûhihinyköu a teb ûnyi hnyi drök: ânyâ thö e he ka ûnykûme könya hnyi ta je ûen öbun e ijem hnyin.

Kolose 1:20

me he ka öûsoköuâ ta je ûnyi hia thithö a deny e, e ka hia but öûsoköuâ ge dren anyin satauro; wale a deny thibi e, ame ne ta je ûnyi eang hmeledrany me ethö hnyi drany.

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Heberu 8:9

Ca helâ me ûhihinyköu oge hia but ânyâ me je lakamödra Hnyi bong oge me kât hnyamödra me lili ödra ûnyi hnyi hnyei Aigupito; Anyin adre me ca tethmâ hnyi anyik ûhihinyköu, Me oge me hna degeci ödra, haingen Than.

Heberu 9:18

Anyin a wale adre me ca ohmâ ûhihinyköu a bân, e ka ba dra hnyin.

Heberu 9:19

Anyin a hia but Mose ha ka tavat hia ta je ûnyi hia adre me hûna hoton hnanyibu, me e ame hom dren je nokon kau, me got, tha e me köiö, me leûnen mamoe ae dra, me hisop, me e ame dukâiâ tusi me tavat hia thithö,

Heberu 9:21

Ke e ame dukâiâ ge dra uma menâ me ta je omjehen huliwa hia.

I. Peteru 1:19

ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny:

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.