Esodo 24:3 - Iaai Bible 1901 (New Caledonia)

³ Ke Mose ame he me thumeto ta je hofuc ho Iehova, me ta je hna owisa hia; ke ame thu hnen tavat hia hnyi hofuc a khaca, ka habe, Ohmun e he ka ânyâ ta je hofuc hia a ba hnö Iehova.

Esodo 24:3 ပူးပေါင်းရင်းမြစ်များ

II. Man Ûlabainy Je Than. 15:14

Ke ödrin e khemanyin kö Iehova ge hwan ae gan, me hongot, tha e me je trutru me sofara.

II. Man Ûlabainy Je Than. 15:15

Ke haba at Juda hia ödrin e senyinâ hna khemanyin: anyin ödrin e khemanyin ge hnyekudrin ae bekhot, me elâm e ge wedrin ae bekhot; me ödrin e wâ e: ke haba Iehova ame omenʼ ödrin igigilo.

Salamo 50:5

Ûkhacaköu thö könya ta je latök ae kap; Waleji tavat adre hia but ûhhiinyköu mönya ûnyi ge hut.

Esodo 19:8

Kʼ ame thu tavat hia me ha, ka habe, Ohmun e he ka ânyâ ta je ûnyi hia ame ha Iehova. Haba Mose ame thumetu Iehova hofuc hwan tavat.

Esodo 24:2

ke haba Mose ame he ka hake hakekeny kö Iehova; ke odrin e ca he ka hakekenyâ; kʼ ame ca he tavat ka tha ölö më.

Esodo 24:7

Ke e ame hom tusiny ûhihinyköu, me aû, kʼ ame löng tavat: me haingödra, ka habe, Ohmun e he ka ânyâ hia hna ha hnö Iehova, me löng hoton.

Jeremia 11:4

waleji oge hûna ka lakamöbun, hnyi bong oge hum ödra hnyin ûnyi hnyi hnyei Aigupito, ûnyi hnyi hnyin meic fao me ha, ka habe, Long ju ifucik, me ânyâ thö hoton hnok hna hûna köbun; me öbun e he ka lakeik, ke oge me he inya ka Khongubun:

Jeremia 34:13

Walang hna ha hnö Iehova Khongu Isaraela, ka habe, Oge ûhihinyköu me lakamöbun, waleji hnyi bong oge hum ödra hnyin ûnyi hnyi hnyei Aigupito, ûnyi hnyi hnyaba ae ûthaluo me ha, ka habe,

Hagai 2:5

hoton hofuc oge me ûhi-hinyköuâ mʼ öbun hnyi ûen öbun e he but ûhebun Aigupito, kʼ ame laba hanuk unyibun: ca ot bi öbun.

Malaki 2:10

Hawa, ca khaca kamöta hia? a ca up ota hnen Khong a khaca? anyin a ieû ate me ûiyawököu, me okongoâ ûhihinyköu anyin lakamöta?

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Deuteronomi 4:45

ke walang je ohnathoâ, me je hna otilâ, me je hna owisa hnö Mose hna omanenâ ka lakon Isaraela, ödra ka o but ûheny Aigupito;

Deuteronomi 4:5

Wâ bi, oge hia but ûne köbun je hnanyibu me je hna owisa, helâ me Iehova Khonguk ame hûna könya, mʼ öbun ehe ka ânyâ helâe hnyi hnyei öbun e he ka hnyin he ka labā.

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 5:31

Ke u me he bi u ka tot eang unyik, ke oge me he ka omanenâ hia köu ta je hnanyibu, me hna hûna, me je hna owisa, wale u me he ka nʼ ödra, mʼ adre me he ka ânyâ hnyi hnyei oge me he ka ham ködra me me idra.

Deuteronomi 6:1

KE walang hna hûna, me je hnanyibu, me je hna owisa, waleji a hûna Iehova Khongubun he ka nʼ öbun, mʼ öbun e he ka ânyâ hnyi hnyei öbun e he ka hnyin me me hu:

Josua 24:21

Me ame ha tavat kö Josua, ka habe, Ohe, öhmun e he bi ka bi athnyabai Iehova.

Josua 24:22

Ke Josua ame ha ka tavat, ka habe, Öbun tavat ohnathu öbun bi, a öbun e ûco Iehova hobi köbun he ka bi athnyabainy. Me haingödra, ka habe, Öhmun tavat ohnatho.

Josua 24:24

Me ame ha tavat kö Josua, ka habe, Öhmun e he ka bi athnyabai Iehova Khonguta, me long hwan hofuc