Esodo 24:18 - Iaai Bible 1901 (New Caledonia)

¹⁸ Ke Mose ame dit ka hnyin ûlâ me öliâ bucen: ke ethö Mose hon bucen fâte je lany ke fâte je lit.

Esodo 24:18 ပူးပေါင်းရင်းမြစ်များ

I. Je Than 19:11

Haba e ame ha, ka habe, He thö ka tot hon bucen hnyi hnyimakö Iehova. Ke wâ bi Iehova ame he, ke haba ang ae gan ke hwege ame ohmouca je bucen, me thö je kic hnyi hnyimakö Iehova; ke e biö Iehova hnyin ang: ke hwiöi hwaban ang, ke e hiö Iehova hnyin hwiöi:

I. Je Than 19:8

Me e ame todrö me han me ic, me e ame he fâte je bong ke fâte je lit ge troban han eling, ke ne o but hnyi Horeba bucen anyin Khong.

Esodo 19:20

Kʼ ame utut Iehova ka hnyi bucen Sinai, ka hnyi bân bucen: ke Iehova ame hao Mose ka hnyi bân bucen: me Mose ame ölö thö.

Esodo 24:17

Ke haba hwakecin hmanenangi Iehova, me, helâ me meic ame han hnyi hon bucen hnyi hnyimakan lakon Isaraela.

Esodo 25:1

KE Iehova ame ha kö Mose, ka habe,

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Esodo 34:28

Ke e ame laba eling tha e me Iehova fâte je lany ke fâte je lit; ke ame ca han, kʼ ame ca ic. Ke e ame sihnalimen hon li veto ae lau je hofucin ûhihinyköu, wale je hnanyibu a ten.

Esodo 9:29

Ke Mose ame ha kâu, ka habe, Iny ka he ûhek ang hnyi taun oge me he ka hai li hnyamok kö Iehova; kʼ ame he ka hia hendreng, kʼ ame he ka ba hmetu we ae wahma: me me khanö u, ka habe, anyi Iehova hmeledrany.

Esodo 9:33

Ke Mose ame he ûheny hnyi taun unyi Farao, me hai li hnyamen kö Iehova: me ame hia ju hendreng, me we ae wahma, kʼ ame ca ta hmetu we ka hnyi kânâ.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Mataio 4:2

Kʼ ame ca han hnyi fâte je lany ke fâte je lit, ke hwaban dö e, me ame mekihnânem.

Mareko 1:13

Ke e ame laba hnyi hnyebuba fâte je bong, ame cubec e hnen Satana; ke tha e mē omeno ae hiny; ke haba ta je angela adre me bi athnyabainy.

Luka 4:2

hnyi fâte ta je bong, kʼ ame cubec e hnen diabolo. Ke e ame ca han hnyi je bong eling: ke ame um dö je bong eling, me e ame mekihnânem but.

Deuteronomi 10:10

Ke oge laba hon bucen fâte je lany ke fâte je lit, helâ me ûen eji a bân: ke Iehova ame löng minya könya hayi ûen eling; ke ca we Iehova he ka ohiö u.

Deuteronomi 5:31

Ke u me he bi u ka tot eang unyik, ke oge me he ka omanenâ hia köu ta je hnanyibu, me hna hûna, me je hna owisa, wale u me he ka nʼ ödra, mʼ adre me he ka ânyâ hnyi hnyei oge me he ka ham ködra me me idra.

Deuteronomi 9:18

Ke oge me ta ju hnyi hnyimakö Iehova helâ me a bân, fâte je lany, ke fâte je lit; kʼ oge me ca han me ic; can anyibun ta je hulö hia, waleji öbun e ânyâ hwakecibun ae kong hnyi hnyimakö Iehova me ohmönyinâ.

Deuteronomi 9:25

Me waleling oge me ta ju hnyi hnyimakö Iehova hnyi ta je lany a fâte ke je lit a fâte waleji oge to hnyin; anyin a Iehova ame ha he ka ohiʼ öbun.

Deuteronomi 9:9

Hnyi ûen oge me öliâ bucen he ka kap li veto ae hu, a li vetoiny ûhihinyköu waleji a ânyâ Iehova möbun, ke oge me laba hnyi bucen fâte je lany ke fâte je lit; kʼ oge me ca han me ic.