Esodo 24:17 - Iaai Bible 1901 (New Caledonia)

¹⁷ Ke haba hwakecin hmanenangi Iehova, me, helâ me meic ame han hnyi hon bucen hnyi hnyimakan lakon Isaraela.

Esodo 24:17 ပူးပေါင်းရင်းမြစ်များ

II. Samuela 22:13

Adre omelö je walepiny meic Ûnyi ge hadröngöc hnyi hnyimakan.

II. Samuela 22:9

Ame ölö hai ûnyi hnyi li hnyingöiny, Ke meic ame han ûnyi hnyi hnyimen: A möt dö je walep kâu.

Esodo 19:11

mʼ adre me penapena hobi kâu bong a kuniny: anyin a haba hnyi bong a kuniny ame he Iehova ka utut hnyi hnyimakan tavat hia thithö hon bucen Sinai.

Esodo 19:18

Kʼ ame sâ bucen Sinai hia, anyin a Iehova ame ut hnyin meic kâ e: kʼ ame ölö görany ai sân helâ me sân inyâ ji: kʼ ame ûk hwege bucen hia.

Esodo 3:2

Ke ame manen kâu angela anyi Iehova hnyi bâhlân meic hnyi wanben ûö ae ûdedö: ke ame wâ, me wâ bi, ame hlâ meic hnyi ûö, kʼ ame ca aû but ûö.

Ezekiela 1:27

Ke oge me wâ helâ me makan bras, helâ; me man meic hnyi hnyin e igigilo, hwân hnyi hnyin ke ne o but ethö; ke hwân hnyi hnyin ke ne o but hnyikânâi oge me wâ helâ me man meic, kʼ ame hadröngöc e igigilo.

Ezekiela 1:28

Ke haba hwakecin hadröngöc igigilo, me helâ me man wajileufat ae hnyi ûlâ hnyi ûen we. Wale bongon a manen me hmanengi Iehova. Ke oge me wâ, me oge me ta hnyikânâi, me long ifucin ke at ame fuc.

Nahuma 1:6

Ie at ame he ka tot hnyi hnyimakan anyin hmonyin? ke ie at ame he ka tot e ka ubâhlâ anyin wathethot? ame hingâlâ anyin hmonyin helâ me meic, ke e ame thö je kic.

Deuteronomi 4:24

Anyin a meic ae han Iehova Khongom, Khong ame ciâ.

Deuteronomi 4:36

E ame hna köu he ka löng hwan hofuc ûnyi ethö hnyi drany, me me nö u: ke e ame omanenâ köu eang hmelen anyin meic ae gan; ke u je löng hwan je hofuc ûnyi hnyin meic.

Deuteronomi 9:3

Ke ame he ka khanö u hnyi bong ang a Iehova Khongom ame hnyimakan ânyâm bunyen, e meic ae han; ke e ame he ka ohiʼ ödra, me oûhnyûkongu ödra: ke u me he ka obʼ ödra, me ie ohiʼ ödra, helâ me Iehova ame ha köu.

Heberu 12:18

Anyin a öbun e ca o but ka hnyi bucen ae ûcû he ka kâlâ waleji ame hiâ ge meic ke ne o but ame hlit, me menekholom, me weneû,

Heberu 12:29

anyin a haba Khonguta, me meic ame han hmonyin.