Esodo 24:16 - Iaai Bible 1901 (New Caledonia)

¹⁶ Ke haba hmanenang! Iehova ame laba hon bucen Sinai, kʼ ame oiyongâ hnen ûlâ hnyi siks ta bong: ke hnyi bong a seveniny e ame laba hnyin ûlâ me hao Mose.

Esodo 24:16 ပူးပေါင်းရင်းမြစ်များ

Salamo 99:7

E ame ha ködrin hnyi ûlâ ame tot wisa: Ödrin e vheno hnen je ohnatho, me hnanyibu waleji e ame ham ködrin.

Esodo 16:10

Ke Arona ame tiga ha hofuc ka ûkhacaköu hia anyin lakon Isaraela, me adre me bwele hnyebuba ai, ke wâ bi, e manen soi Iehova hnyi ûlâ.

Esodo 19:11

mʼ adre me penapena hobi kâu bong a kuniny: anyin a haba hnyi bong a kuniny ame he Iehova ka utut hnyi hnyimakan tavat hia thithö hon bucen Sinai.

Esodo 19:9

Ke haingö Iehova kö Mose, ka habe, Wâ bi oge me o but köu hnyi ûlâ ae khot, me me he tavat ka löng anyik ûhnenamö möu, mʼ adre me labageju bala köu. Haba Mose ame thumeta Iehova hofuc hwan tavat.

Esodo 20:10

ke haba bong a seveniny, wale sabath anyi Iehova a Khongom: e ba huliwa u ma he ka ânyâ hnyin, u, me nokom baga, me nokom hlu, me athnyabaem baga, me momo, me halem meno, me atkanyua unyâm hnyi je homagöulem:

Esodo 24:17

Ke haba hwakecin hmanenangi Iehova, me, helâ me meic ame han hnyi hon bucen hnyi hnyimakan lakon Isaraela.

Isaia 4:5

Kʼ ame he Iehova ka op hnyi ta je hnyaban hia hnyi bucen Ziona, me hnyi je ûkhaca-köuiny e, ûlâ me hai hnyi lany, ke bâhlân meic ame ubâhlâ hnyi hnyinghet: anyin ame he ka hu ûnyi hnân tube hon hmanenang hia.

Ezekiela 1:28

Ke haba hwakecin hadröngöc igigilo, me helâ me man wajileufat ae hnyi ûlâ hnyi ûen we. Wale bongon a manen me hmanengi Iehova. Ke oge me wâ, me oge me ta hnyikânâi, me long ifucin ke at ame fuc.

Levitiko 9:23

Ke Mose me Arona ödru me tha didro ka hnyi uma ûkhacaköu, me dit hmetu but, me hahnahicâ tavat: me ame manen ka tavat hia hmanenangi Iehova.

Levitiko 9:6

Ke haingö Mose, ka habe, Walang ûnyi a hûna Iehova köbun he ka ânyâ, kʼ ame he ka manen köbun hmanenangi Iehova.

Numera 14:10

Ke haba ûkhacakoû hia adre me ha he ka luʼ ödru ge veto. Me ame manen hmanenangi Iehova hnyi uma ûkhacaköu ka lakon Isaraela hia.

Numera 16:42

Ke hnyi ûen ame ûkhacaköu tavat ûcû Mose me Arona, me adre me bwele ka hnyi uma ûkhacaköu: ke wâ bi ûlâ ame tube e, ke ame manen Jut hmanenangi Iehova.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,