Esodo 24:12 - Iaai Bible 1901 (New Caledonia)

¹² Ke Iehova ame ha kö Mose, ka habe, Ölö thö könya hon bucen, me laba eling: ke oge me he ka ham köu li veto ae lau, me hnanyibu me je hna hûna waleji oge sihnalimen, mʼ u me he ka ûne.

Esodo 24:12 ပူးပေါင်းရင်းမြစ်များ

I. Je Than 19:11

Haba e ame ha, ka habe, He thö ka tot hon bucen hnyi hnyimakö Iehova. Ke wâ bi Iehova ame he, ke haba ang ae gan ke hwege ame ohmouca je bucen, me thö je kic hnyi hnyimakö Iehova; ke e biö Iehova hnyin ang: ke hwiöi hwaban ang, ke e hiö Iehova hnyin hwiöi:

Ezera 7:10

Anyin a Ezera ame penapena hnyekon he ka elâm hnanyibu anyi Iehova, me ânyâ, me he ka ûnö hnyi Isaraela je hnanyibu me je hna owisa.

Nehemia 9:13

Ke u je utut ka hnyi hon bucen Sinai, me ûhnenamö mödrin ûnyi hnyi drany, me ham ködrin je hna owisa ae ûcû, me je hnanyibu ae hnathu, me je hna otilâ me hna hûna ae so:

Nehemia 9:14

me omanenâ ködrin ânyâm sabath ae kap, me ha ködrin je hna hûna, me je hna otilâ, me hnanyibu a deny Mose athnyabaem:

Salamo 19:12

Ie at ae khana he ka wâ monu unyin? Ö u degecâ but anyik ta je monu ae iyong.

Esodo 19:3

Ke haba Mose ame ölö thö ka Khong, ke haba Iehova ame hongot kâu ethö hon bucen me ha kâu, ka habe, Walang hofuc u me he ka ha ka lap anyi Jekob, me thumeto lakon Isaraela, ka habe;

Esodo 24:15

Ke haba Mose ame öliâ bucen, kʼ ame khavâ bucen hnen ûlâ.

Esodo 24:18

Ke Mose ame dit ka hnyin ûlâ me öliâ bucen: ke ethö Mose hon bucen fâte je lany ke fâte je lit.

Esodo 24:2

ke haba Mose ame he ka hake hakekeny kö Iehova; ke odrin e ca he ka hakekenyâ; kʼ ame ca he tavat ka tha ölö më.

Esodo 31:18

Ke e ame ham kö Mose li veto ae lau anyin ûnyi hnân ohnatho, li veto ae lau a sihnalimen ge hnyamen Khong, hnyi ûen e ame um dö ûhnenamö më hon bucen Sinai.

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Esodo 34:1

KE Iehova ame ba kö Mose, ka habe, U me he ka delâ li veto ae lau helâ me li veto a bân, ke oge me he ka sihnalimen hon li veto ae lau ta je hofucin li veto ae lau a bân, waleji u je thö.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Mataio 5:19

Anyin a wale, haba at ame he ka hanyâûâ khaca hnyi ta je hnanyibu eang ae ûhnyûkong hmonyin, kʼ ame nâ tavat he ka helâe, me adre me he ka ha oûhnyûkongo e hnyi dökhu dokhon drany: ke haba at ame he ka vheno me nâ, me adre me he ka ogânâ e hnyi dökhu dokhon drany.

II. Korinito 3:3

anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok.

II. Korinito 3:7

Ke a ne hmanenang he ka bi athnyabainy ûnyi adre me mekiny hnyin, waleji adre sihnalimen me kave hnyi veto, me me ca khana bi lakon Isaraela he ka wâ hmâ hnyimakö Mose anyin ae hmanenang hnyimakan; waleji a hmanenang ame he ka hia:

Deuteronomi 4:14

Ke Iehova ame hûna könya hnyi ûen eling he ka nʼ öbun ge je hnanyibu me hna owisa, mʼ öbun e he ka tuö hnyi hnyei öbun e he ka hnyin he ka labā.

Deuteronomi 5:22

Wale je hofuc a ha Iehova ka anyibun ûkhacaköu hia hon bucen ûnyi hnyi wanben meic, me ûlâ, me menekholom ae gan, ke gan hmâ hwan: ke e ame ca bi hanen. Ke e ame sihnalimen e hnyi li veto ae lau, me ham könya.

Deuteronomi 5:31

Ke u me he bi u ka tot eang unyik, ke oge me he ka omanenâ hia köu ta je hnanyibu, me hna hûna, me je hna owisa, wale u me he ka nʼ ödra, mʼ adre me he ka ânyâ hnyi hnyei oge me he ka ham ködra me me idra.

Heberu 9:4

ke eling taben meic gol, me tangen ûhihi-nyköu adre tube ge gol, ke eû hnyin e kaia gol ae hu mana hnyin, me uci anyi Arona ame vhong, me li taben ûhihinyköu;