Esodo 24:10 - Iaai Bible 1901 (New Caledonia)

¹⁰ ke odrin e wa Khongon at Isaraela; ke eû hnyi hmelen li can helâ me dek veto a safairo, ke helâ me drany ae alai.

Esodo 24:10 ပူးပေါင်းရင်းမြစ်များ

Genese 32:30

Ke Jekob ame hwenyi ien dok e Peniela, haingen, anyin a oge iohnyimak me Khong, kʼ iny möt bi.

Genese 32:31

Ke ame o thö seûnö hon hnyi ûen e ame he hanyâûâ Penuela, ke e ame he hwali ge jevan.

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

II. Man Ûlabainy Je Than. 6:17

Ke walang ang, Iehova lö, Khongu Isaraela, e so adre me ohnatho hwâm hofuc, waleji u je ha ka athnyabaem a Davita.

Esodo 24:11

Ke e ame ca ip hnyamen hon je thaniny lakon Isaraela: kʼ odrin e wâ Khong me han me ic.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 33:20

Ke haingen, ka habe, e ca khanö u he ka wâ hnyimakök: anyin ae ca khana at ka o nya, me möt bi.

Esodo 33:23

ke oge me he ka thu hmetu hnyamok, ke u me he ka wâ hotuk: kʼ adre me ca he bi ka wâ hnyimakök.

Khumöng Hwanyi Solomona. 5:14

Haba li hnyamen, me li otru gol adre ohmâ berulo hnyin: Haba unyin, me nyon elefan adre huliwan, ke adre tube ge safairo.

Khumöng Hwanyi Solomona. 6:10

Ie momo e, ame selat helâke me haolany, Ke e hmanenang helâ me tehi, Ke alai helâ me seûno Hnân outen helâ me utbavat adre hom je boûdila?

Je tenge anyi Jeremi 4:7

Ame alae but anyin je taben hon kiona, ke hau hon debai, E hngihngidra je ûnyidra hon je penina, haba ûhadröngöcidra helâ me safairo:

Ezekiela 1:1

HNYI huna a thote, hnyi tehi a vakiny, ke hnyi bong a thabûnginy tehi, ke tha inya me je bâ hnyi wagewe Kebara, me ame hmouca but drany, me oge me wâ je hna omanenâ ûnyi ge Khong.

Ezekiela 10:1

KE oge me wâ, ke wâ bi, wale hnyi unyin ae lau hnyi hon ban je kerubi ame manen ethö hudrin helâke veto safairo, ame manen helâ me man ke theron.

Daniela 10:17

Ke ame he ka hawa ka khanö nya a athnyabaem than he ka ûhmenamö mön than? anyin a haba inya, me ba but hwegiök, ke oge me ca menâ hmetu bi.

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Mataio 17:2

me e ame ke bongon dut hnyi hnyimaködrin: ke ame hadröngöc hnyimakan helâ me seûno, ke hau anyin je ûkhaû helâ me melâm.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 14:9

Iesu ame ha kâu, ka habe, E kuek ut unyibun, ke ca khanö u bala inya Filipo? haba at ame ö nya, me e ame wâ minya Kamen; ke a hawa, u me ha, ka habe, Omanenâ thö köhmun Kamen?

Ioane 6:46

E ba at ame wâ Kamen, ke so thibi at a ûnyi ge Khong, e ame wâ Kamen.

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

I. Ioane 4:12

E ba bala at ame wâ Khong: ate ne ibetengiököu, me Khong ame laba eû hnyi je hnyekuta, ke adre obekhotâ anyita ibetengiö kâu eû hnyita;

Hna Omanenâ 1:16

Ke e hu hnyi hnyamen a metân, je okhû a seven: ke ame o hnyi hnyimen hele vat a lo homakan ae so hwan: ke haba hnyimakan, me helâ me seûno ae hadröngöc hmönyin.

Hna Omanenâ 21:11

ke hu hmanenanginy Khong hnyin: ke haba melaminy me helâ me veto ae gan hmâ hmonyin hwaban, ke helâ me veto jasepi ae alai:

Hna Omanenâ 4:3

ke helâ me veto jasepi me sadio at ame tabâ; ke haba wajileufat ame wâdrâ igigilo theron, ke ame manen dut helâ me semerado.