Esodo 23:9 - Iaai Bible 1901 (New Caledonia)

⁹ Ke u ca he ka okongoâ; atkanyua: anyin ae khanʼ öbun hnyekon atkanyua, anyin je atkanyua öbun e hac hnyi hnyei Aigupito.

Esodo 23:9 ပူးပေါင်းရင်းမြစ်များ

Salamo 94:6

Adre me hlingâ safac me atkanyua, Me hlingâ ta je nakahme.

Esodo 21:21

Ke a ne tiga möt hwaban khaca bong ame ne lo, me adre me ca he ka bi hwaban kâu, anyin a anyin mone e.

Esodo 22:20

Adre me he ka ti ohia at ame bi hut ka ke khong, ke ca kö Iehova.

Esodo 22:21

U me ca he ka okongoâ atkanyua, me ovecâ: anyin a öbun je atkanyua hnyi hnyei Aigupito.

Ezekiela 22:29

Haba tavat aten hnyei adre hia but ûöveci, me hûgûnâ omjeû; eke, adre hia but okongoâ ta je hna ovecâ, me tavat ae theduoc, me sedâ atkanyua hnen ûnyi ae ca wisa bi.

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Levitiko 19:33

Ke ame ne ke at a aten ke hnyei ame laba kanyua unyibun hnyi ibun hnyei, ca he öbun ka okongoâ.

Mataio 18:33

hawa, e ca ûcû köu he ka betenge minya ge athnyaba a hânâm, helâji me hnok hna betenge gam?

Deuteronomi 10:19

Anyin a wale betenge ju öbun ge atkanyua; anyin a je atkanyua öbun hnyi hnyei Aigupito ehac.

Deuteronomi 23:7

U me ca he ka hûkötiâ at Edoma, anyin a e liamekeiny mou: u me ca he ka hûkötiâ at Aigupito anyin a u je laba kanyua hnyi iny hnyei.

Deuteronomi 27:19

Hnaûhangö at ame ohwalö hna owisa ka atkanyua, me nakahme, me safac. Kʼ ame he tavat hia ka ha, ka habe, Amen.