Esodo 23:8 - Iaai Bible 1901 (New Caledonia)

⁸ Ke u me ca he ka kap bwihlany: anyin a haba bwihlany ame omûko at ame wâ, me ohavâ hofuc hwan tavat ae wisa.

Esodo 23:8 ပူးပေါင်းရင်းမြစ်များ

Salamo 15:5

At ame ca mē ham anyin mone ge hwaban, Me ca kap hwaban hnân okongoâ at ae ba hnyikongon. Ame ca he balua ka bwebwet at ame mâdrâ ta je ûnyi e.

Salamo 26:10

Ae hu ûokonguny eû hnyin je hnyamödra, Ke unöngötö hnyamödra a metâ ge hok hwaban ae hwali.

Ta je Vejec 15:27

Haba at ame behnyekon omjeû, me ame omonumonoâ anyin bi lap: Ke ame he ka möt at ame hûkotiâ ta je bwihlany.

Ta je Vejec 17:23

Haba at ae kong, me ame oc ut bwihlang ûnyi hnyi ûlainy, Hnân ohwalö deny hna owisa.

Ta je Vejec 17:8

Veto ae gan hwaban, bwihlany ka at ae hu e: E so troban e hnyi hna wia e ka ke dok me ke dok.

Ta je Vejec 19:4

Adre me bi hanen je lawaeny ae se ge omjeû: Kʼ adre öûsâkâûöâ lahanen ka at ae ba ta ûnyi.

At Khet 7:7

Haba behom gânâ ame omonoâ at ae metâ; ke haba bwihlany ame okongoâ wâ ûnykûme.

Isaia 1:13

Ca hom hmetu bi je hut ae ûnyi baû; ke ikiki könya je uto ae bo so; ke haba je tehi ae manen, me je sabath, me hna hawâ je ûkhacaköu, E ca khanö nya he ka hota hulo me ûkhacaköu ae ûnyi hnathu.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 33:15

Haba at ame vheno wisa, kʼ ame ha hofuc ae wisa; ke ame hûkotiâ hwaban hna ovecâ, kʼ ame jijingâ li hnyamen be me ca kap hwaban ae hwali, kʼ ame hlöng li hnyikonyen me me ca long ge dra, kʼ ame mûko li emakan me me ca wâ hulo;

Isaia 5:22

Ekölö ge tavat a ödra hwege ka ic waina, me tavat hwege he ka ûhaniken tap grâg:

Isaia 5:23

adre haiwisa at ae monu ge hwaban, me hok wisa unyin at ae wisa!

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Hosea 4:18

A hiny dut belidra; kʼ adre me bi ûnyi monu bala: ke haba je tuhan me adre me beânyâ ûnyi hnân ohmehma gan.

Amosa 5:12

Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Mika 7:3

Adre me inâ li hnyamödra ka hnyi ûnyi ae kong he ka ie ânyâ; ame hnei hwaban hnen taben me at owisa; ke haba at ae gan, me e ame ha ûokonguny: eû hnyi hnyekon: ke adre me tha hwâwâ helâe.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

I. Samuela 12:3

Inyʼ ang: ohnathu nya thö hnyi hnyimakö Iehova, me hnen hna hû: ia oge hom haleny bolok? ke hale ia asina oge hom? ke oge iyawö ia? ke oge oveci ia? ke oge kap hwaban ûnyi hnyi hnyamö ia he ka omûkâ li emakök can e? mʼ oge me he ka ham hmetu köbun.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.