Esodo 23:6 - Iaai Bible 1901 (New Caledonia)

⁶ U ca he ka ohwalö hna owisa ka liamewaeny möu ae ba ta ûnyi, hnyi anyin ivinö.

Esodo 23:6 ပူးပေါင်းရင်းမြစ်များ

II. Man Ûlabainy Je Than. 19:7

Anyin a wale outö Iehova ju öbun: wâ eaû ke ânyâ thö: anyin ae ba monu unyi Iehova Khongutin, ke e ame ca wâhmakhmetoâ at, kʼ ame ca kap hwaban.

Jobu 31:13

Oge ne hia but hûkotiâ hofuc hmak anyin athnyabaik baga me momo, Hnyi ûen ödrin e ivino mönya:

Ta je Vejec 18:5

E ca so he ka tha hien me at ae kong, Me ohaûâ at ae wisa hnyi hna owisa.

Ta je Vejec 22:22

Ca söh at ae theduoc, can anyin e ame theduoc, Ke ca seda at ae vec hnyi homagöule:

Ta je Vejec 31:5

Wâ adre nye ic me hnying ut hnanyibu, Me omonoâ iwatretra anyin at ame vec.

At Khet 5:8

U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

Isaia 5:23

adre haiwisa at ae monu ge hwaban, me hok wisa unyin at ae wisa!

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Jeremia 6:28

Ödra tavat ûjöng hia, adre me tha ngenu me tavat ûhaiö: ödra bras me fao: ödra tavat iyawo hia thithö.

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Levitiko 19:15

Ca he öbun ka ânyâ hwali hnyi owisa: u me ca he ka wâhmakhmetoâ at ae ba ta ûnyi, me ogânâ at ae tren omjeû: ke hamâm he ka owisa at ame laba hakekenyi u hnyi wisa.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

Deuteronomi 27:19

Hnaûhangö at ame ohwalö hna owisa ka atkanyua, me nakahme, me safac. Kʼ ame he tavat hia ka ha, ka habe, Amen.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.