Esodo 23:23 - Iaai Bible 1901 (New Caledonia)

²³ Anyin ame he anyik angela ka hnyimakan ânyâm bunyen, me hum u ka at Amora, me Heth, me Perizi, me Kanana, me Hivi, me Jebusi: kʼ oge me he ka ohiʼ odra.

Esodo 23:23 ပူးပေါင်းရင်းမြစ်များ

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 34:2

Ke ame wâ e hnö Sekema, nöku Hamora at Hivi, ke thaniny hnyei, me e ame hom e, me tha laba më, me okongoâ.

Esodo 18:8

Ke Mose ame thumeto ûngon ge ta je ûnyi hia a ânyâ Iehova kö Farao me at Aigupito hobi kâu at Isaraela, me ta je vec hia a o ködra eû hnyi gethen, me hna omeli odra ga Iehova.

Esodo 23:20

Wâ bi, inya oge me kunâ angela he ka bân hnyi hnyimâkâm he ka tuö u eû hnyi gethen, me hum u ka hnyi dok oge hia but penapena.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 32:2

Ke haingö Arona ködra, ka habe, Uny jut je anen hnyikönyen a gol hnyi je hnyikönyen laöiöbun me je lakubun baga me hlu, ke hö jem könya.

Isaia 5:13

Anyin a wale ame he lakeik ka bâ, can e ba ûnyi ae khanʼ ödra: kʼ ame mekihnânen tavat ae beönua gadra, ke mok ge beic hoûmonu gadra.

Deuteronomi 9:3

Ke ame he ka khanö u hnyi bong ang a Iehova Khongom ame hnyimakan ânyâm bunyen, e meic ae han; ke e ame he ka ohiʼ ödra, me oûhnyûkongu ödra: ke u me he ka obʼ ödra, me ie ohiʼ ödra, helâ me Iehova ame ha köu.

Josua 23:9

Anyin a hia but Iehova obâ hnyi hnyimaköbun je hnyei ae gan me hwege: ke haba öbun, me ba at ame tot hnyi hnyimaköbun ke ne o but hnyi bong ang.

Josua 5:13

Ke e Josua hnyi Jeriko, me e ame bwele me wâ, ke wâ bi, ame tot cicö e at ame tot me hele vat adre oc hnyi hnyamen: ke haba Josua ame he kâu me ha kâu, ka habe, U me tha hiâm möhmun, hawa, me je iwahnaihmiony möhmun?

Josua 9:1

KE haba je than hia ödrin e long, walʼ ödrin hnyi ke keihen Joridano e jio hnyi je bucen me hnyei ae ca hut, me hnyi hobat köien köiö ae gan hia cicö Lebanona, wale at Heth, me Amora, me Kanana, me Perizi, me Hivi, me Jebusi;