Esodo 23:2 - Iaai Bible 1901 (New Caledonia)

² U ca he ka hnu hoton tavat ae se he ka ânyâ monu; ke u ca he ka fuc hnyi ivinö he ka tha hien me tavat ae se hia adre me ohnathoâ thoi;

Esodo 23:2 ပူးပေါင်းရင်းမြစ်များ

Genese 19:4

Ke ödru tiga ca mokut, me ame igigilö uma hnen aten hnyei, wale aten Sodoma, hwân ge ta je hidröu ke ne o but ge wahingat, a tavat hia ûhedra hnyi je ke keihen hia;

Genese 6:12

Ke Khong ame wâ hmeledrany, ke wâ bi a ikiki thö; anyin a hia but tavat hia oikikiâ dedra eang hmelen.

Genese 7:1

HABA Iehova ame ha kö Noa, ka habe, Aiö u me ânyâm lap hia ka hnyin aka; anyin a oge hia but wâ a u wisa hnyi hnyimakök hnyi dö ang.

I. Je Than 19:10

Haingen, ka habe, Inya oge ciâ ga Iehova, Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ hnyikânâi ânyâm taben hut, me hlingâ ânyâm je perofeta ge hele vat: ke hake inya thiju kolon; ke ödrin e elâm anyik möt he ka ohia e.

Jobu 31:34

Anyin a iny outen tavat ae se hia, Kʼ ame ne outhmoki nya hnen hûkötiö nya ge je lap, Mʼ oge me laba hnyibû, me ca he bi kâû—

Salamo 72:2

E ame he ka owisa lakem ge hwakecin ae wisa, Me latâm ae vec hoton wisa.

Ta je Vejec 1:15

Nokuk lö, ca tha he hnyi gethen mödra; Behânâ ju cam ge dedra je gethen:

Ta je Vejec 18:5

E ca so he ka tha hien me at ae kong, Me ohaûâ at ae wisa hnyi hna owisa.

Ta je Vejec 4:14

Ca dit ka hnyi gethen deny tavat ae monu, Ke ca he hnyi gethen deny tavat ae kong.

Jeremia 37:15

Ke haba je than adre me hmönyidra kö Jeremia, me kot e, me ca e hnyi uma umö Jonathana at sihnalimen: anyin adre me hia but ânyâ e me hnân uma ceat.

Jeremia 37:21

Me haba Zedekia than ame hûna, me adre me ip Jeremia hnyi hnyeuleny uma ceat, me ham kâu hnyi ke bong me ke bong khaca falawa ûnyi hnyi gethen anyin tavat up falawa, ke ne o but ame ba but areto hnyi taun. Helâe Jeremia ame laba hnyi hnyeuleny uma ceat.

Jeremia 38:9

Than a tuhok lö, e kong hia hwakecin tavat e waleji adre ânyâ kö Jeremia perofeta, wale adre khûâ ka hnyi hmonop; anyin a e ame he ka mok, la, eling ge mekihnânem: anyin ae ba hmetu bi areto hnyi taun.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Levitiko 19:15

Ca he öbun ka ânyâ hwali hnyi owisa: u me ca he ka wâhmakhmetoâ at ae ba ta ûnyi, me ogânâ at ae tren omjeû: ke hamâm he ka owisa at ame laba hakekenyi u hnyi wisa.

Hagai 1:4

Hawa, e ûen labâ umöbun je uma adre tubi eeöiny, ke hnyot bi uma kap ang?

Mareko 15:15

Ke haba Pilato ame weny he ka osenyinâ tavat ae se, me e ame thöng Barabasa but kodra, ke a hia but osoi Iesu, e ame hna but e mʼ adre me he ka osatauroâ.

Luka 23:51

(kʼ ame ca munyi ogâ anyidra si ûhnenamö me hnödra hna ânyâ), a at Arimathia, taun anyin at Juda, ke e at ame halubahingen dokhu dokhon Khong:

Ta je huliwa 24:27

Hwaban lo li huna, kʼ adre me tilö hwabö Filiki, jia Pokio Feso; ke haba Filiki ame weny he ka osenyinâ at Juda, me e ame hnö Paulo bala hnyin uma ceat.

Ta je huliwa 25:9

Ke haba Feso ame weny he ka osenyinâ at Juda, me e ame thu kö Paulo, ka habe, E wem he ka he Jerusalema ai, mʼ adre me he ka hnö eling ta je ûnyi hnyi hnyi-makök?

Roma 1:32

ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.

Deuteronomi 1:17

Ca he öbun ka wâhmakhmetoâ hnyi ûhnei; e so öbun e löng wia hofuc hwan at ae gan me at ae ûhnyûkong; ca he öbun ka ot hnyi hnyimakan at; anyin a ûnyi ge Khong hna owisa: ke haba ûnyi ae hmak köbun, öbun e he ka hom könya mʼinye löng dö.

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

Deuteronomi 24:17

U me ca he ka ohwalö hna owisa ka atkanyua me nakahme; me hom ûkhaûen safac hnân haten:

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

I. Samuela 15:24

Ke Saulo ame ha kö Samuela, ka habe, Oge hia but ânyâ hulö: anyin oge hia but hanyâûâ hna hûna hnö Iehova, me hwâm hofuc: anyin oge outen tavat, me löng hodrin.

I. Samuela 15:9

Ke Saulo me tavat ödrin e omeli Agaga, me je mamoe ae so, me bolok, me je meno ae pipikenya, me je nokon mamoe, me ta je ûnyi hia ae so, ke ca wedrin he ka tha ohia ta je ûnyi e: ke haba ta je ûnyi hia ae kong me ûnyi baû adre me tha ohia.