Esodo 22:4 - Iaai Bible 1901 (New Caledonia)

⁴ Kʼ adre me ne wâ ûnyi a venöu ae tiga möt hnyi hnyamen, ame ne kau, ame ne asina, ame ne mamoe; e ame he ka ham lo me hwaban.

Esodo 22:4 ပူးပေါင်းရင်းမြစ်များ

Esodo 21:16

Haba at ame venâu at me ûco hwaban mone, kʼ adre me ne wâ e unyin, me, adre me he ka hlingâ e.

Esodo 22:1

A NE be at ka venâu kau, ame ne mamoe, me hlingâ e, ame ne ûco; me ame he ka ham thabûng ta kau me hwaban ke kau, me je mamoe a vak me hwaban ke mamoe.

Esodo 22:5

A ne he ke at ka okongoâ hna belök, ame ne hnyei vine, me hna haleny meno he ka an hnyei iny ke at; me e ame he ka bi hwaban soâ ûnyi hnyi iny hnyei, ame ne anyin hnyei vine.

Esodo 22:7

A ne ke at ame ip unyin ke at tang mone, ame ne ke ûnyi he ka tuö, kʼ adre me ne venâu ûnyi hnyi umen uma; ke adre me ne wâ at venöu, me ame he ka bi hwaban ibi olo.

Esodo 22:9

Haba hnyi je hna hanyâûâ hia, ame ne kau, ame ne asina, ame ne mamoe, ame ne ûkhaû, ame ne ke unyi bi ae hia, ke haingen ke at, ka habe, ka anyin, me adre me he ka hom hnödra hna ivinö ka hnyat owisa; ke haba at hnen hnyat owisa hna aat, me hamen he ka ibi olo bi hwaban ka ke at bi.

Ta je Vejec 6:31

Ke ödra ka kât e, e ame he ka oseven bi hwaban; E ame he ka ham hia onyen umen uma.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Levitiko 6:5

ame ne ke ûnyi e ame khemanyin thoi hnyin; hawe, hamen be ka ham hmetu hia thithö, me bi hanen ke keihen a libenyitainy: hamen he ka ham ka at a anyin hnyi bong a manen hnyin.

Hna Omanenâ 18:6

Bi hwaban ju kâu helâ me hnen hna ham, ke olo ju bi hwaban kâu hoton anyin huliwa: ke olo ju ûhaniken kâu hnyi utkaia e ame ûhaniken.

I. Samuela 12:5

Me e ame ha kodra, ka habe, Iehova at ame ohnathoâ köbun, ke ame ohnathoâ laten adre hû minya, hnyi bong ang, a öbun e ca wâ ke ûnyi hnyi hnyâmök. Haingödra, ka habe, E but at ohnathoâ.