Esodo 22:3 - Iaai Bible 1901 (New Caledonia)

³ Ke a ne utö seûnö hon, me ame he ka hu dra hwaban e; ke hamen he ka bi hwaban; ke a ne ba omjehen, me adre me he ka ûco e me hwaban hnen hna venöu.

Esodo 22:3 ပူးပေါင်းရင်းမြစ်များ

Genese 44:10

Ke haingen, ka habe, E so e he ka helâ me hobun hofuc; ka habe, E ka wâ thö e unyin ke at, me ame he ka bi athnyabaik; kʼ öbun e he biju ka wisa.

Esodo 21:2

U je ne ûco athnyabaem a at Heberu, e ame he ka huliwa hnyi siks ta huna: ke hnyi huna a seveniny e ame he ka he baûâ, kʼ ame ca bi hwaban bi.

Esodo 21:34

me ame he at ae tren thop ka bi hwaban e, me ham mone ka at a haleny; ke haba meno a mok ame he ka anyin biju.

Esodo 22:2

Adre ne kât at hnyi ûen e ame tiga venöu, ke adre kot moko e, me ba dra hnân bi hwaban.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Mataio 18:25

Ke can anyin ae ba gan hnân bi hwaban, haba tuhan ame ûkhûnöng he ka ûco e, me âiân, me lakon, me ta je ûnyi ae hu gan, me hnân bi hwaban.

Owisa 10:7

Me ame ubâhlâ hmönyin anyi Iehova ka at Isaraela, me e ame ûcû ödrin ka hnyi hnyamen at Filisiti, me laku Amona.

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.