Esodo 22:22 - Iaai Bible 1901 (New Caledonia)

²² Ca he ka okongoâ safac me nakahme.

Esodo 22:22 ပူးပေါင်းရင်းမြစ်များ

Jobu 31:16

Oge ne hia but behânâ weny at ae the duoc, Me ohmakâ li emakan safac;

Jobu 34:28

Mʼ ödrin e oâ kâu hwa tenge anyin tavat ae theduoc, Ke e ame long tenge anyin tavat adre me ovecâ.

Salamo 10:14

U je hia but wâ e; anyin a u me wâ ûöveci me vec, he ka hom e hnyi hnyamâm: Ke haba at ae theduoc ame hna but e bi köu; U thibi at ame hadruâ nakahme.

Salamo 34:7

Ame hunuma angela anyi Iehova igigilo tavat adre me outen e, Me omeli ödra.

Ta je Vejec 22:23

Anyin ame he Iehova ka ivino hobi ködra, Me hûgûnâ melen tavat adre me sei ödra.

Ta je Vejec 23:10

Ca oc bi hnyigöulen kâû adrem; Ke ca hnyi he ka hnyi hnyei iny nakahme:

Ta je Vejec 23:11

Anyin ae hwege singidra; E ame he ka ivino hobi kodra möu.

Isaia 1:17

nâ thö he ka ânyâ so; elâm dö hna owisa, betenge ge at adre ovecâ, owisa at ae ba kamen, ivino thö hobi kau safac.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Jeremia 7:7

awe, oge me he ka olabʼ öbun hnyi dok ang hnyi hnyei waleji oge ham ka lakamöbun, ke ne o but nyiele balua.

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Zakaria 7:10

ke ca ovecâ safac me nakahme, me atkanyua, me at ae theduoc; ke ca ûnykûme eû hnyi hnyok ûnyi ae kong ka ke at.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Deuteronomi 10:18

E ame owisa hobi kâu nakahme, me safac, kʼ ame betenge ge atkanyua, me han, me okhavâ.

Deuteronomi 15:9

Wâ eâu, wâ e nye hu ûnykûme ae kong eû hnyi hnyekom, me ha, ka habe, E hakekeny jut huna a seveniny, a hunainy hna baûâ; me ame kong emakâm ka liamekeiny mou ae theduoc, me ca ham ûnyi bi kâu; ke e ame he ka tenge kö Iehova gam, mʼ u me hulö but.

Deuteronomi 24:17

U me ca he ka ohwalö hna owisa ka atkanyua me nakahme; me hom ûkhaûen safac hnân haten:

Deuteronomi 24:18

ke u me he ka ûnykûme hna thaluö u hnyi Aigupito, ke Iehova Khongom ame omeli u ûheny: anyin a wale inya oge me hûna köu he ka ânyâ ûnyi e.

Deuteronomi 27:19

Hnaûhangö at ame ohwalö hna owisa ka atkanyua, me nakahme, me safac. Kʼ ame he tavat hia ka ha, ka habe, Amen.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.