Esodo 21:6 - Iaai Bible 1901 (New Caledonia)

⁶ hawe, ame he tuhan ka hom e ka hnyat owisa, me hom e ka hnyi hlinginy hwanuma, ame ne ut hwanuma; kʼ ame he tuhan ka koû hnyikonyen ge ûnyi hnân koû; kʼ ame he ka bi athnyabainy nyiele balua.

Esodo 21:6 ပူးပေါင်းရင်းမြစ်များ

I. Je Than 12:7

Ke haingödrin kâu, ka habe, U je ne he ka bi athnyaba ka tavat ang hnyi bong ang, me ânyâ wedrin, me thu ködrin, me ha ködrin ta je hofuc ae so, awe, ödrin e he bi ka bi athnyaba köu nyiele balua.

Salamo 82:1

KHONG ame tot hnyi ûkhacaköu anyin Khong; E ame owisa hnyi wanben ta je khong.

Esodo 12:12

Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.

Esodo 21:22

Ke a ne û li at me okongoâ momo a erkin, me ame köluhabû nokon, ke so bi e ca kong momo, me adre me he ka bi hwaban kâu hoton hna ha hnen âiân; kʼ ame he ka bi hwaban helâ me hna ha hnen hnyat owisa.

Esodo 21:5

Ke ame ne ha manenâ hnen athnyaba, ka habe, Inya oge me hnyokâ tuhok, me öiök, me lakuk; oge me ca he ka he baû:

Esodo 21:7

Ke ame he ke at ka ûco nokon hlu me me athnyaba momo, me ame ca he ka didrut hmetu helâ me ûheny je athnyaba baga.

Esodo 22:28

U ma ca he ka haikongoâ hnyat owisa, me hangâ at ame musö em hnyei.

Isaia 1:26

ke oge me he ka ham hmetu köu tavat owisa, helâji me ehac, me je at ûhnenamö helâ me hnyi hwân: hwaban e adre me he ka hwenyi iâm, Taun ae wisa, me taun ae hnathu.

Levitiko 25:23

Ke adre me ca he ka ûco degecâ kânâ me me hia balua; anyin a ik kânâ: anyin a öbun je atkanyua, me tavat adre me laba ka bi athnyisi unyik.

Levitiko 25:40

ke e ame he ka tha e mou helâ me athnyaba adre hawâ, me at ame bi athnyisi; ke e ame he ka bi athnyabaem ke ne o but hnyi huna jubeli:

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Deuteronomi 1:16

Ke oge me hûna ka tavat owisa hnyi ûen eling, ka habe, Öbun e he ka löng je iwatretra anyin je liamekeiny möbun, me owisa wia ka at me liamekeiny mē, me atkanyua unyin.

Deuteronomi 15:16

Ke ame ne he ka ha köu, ka habe, Oge me ca he ka he gam; anyin a e ame hnyok köu me ânyâm lap, anyin ae so e unyâm;

Deuteronomi 15:17

awe, u me he ka hom ûnyi hnân koû, me koû hnyikonyen ka hnyi hlinginy hwanuma, ke e ame he ka bi athnyabaem nyiele balua. Ke u me he ka ânyâ helâe minya ka athnyabaem a momo.

Deuteronomi 16:18

Ke u me he ka otilâ hnyat owisa, me je taben hnyi em hnyei hia a ham köu hnö Iehova, hnyi ânyâm je tribu: ke ödrin e he ka owisa tavat ge hna owisa ae wisa.

I. Samuela 1:22

Ke a ca hnyi he bi Hana: anyin a e ame ha ka âiân, ka habe, Me hnebaiö but wanakat, me oge me he ka hom e me me manen hnyi hnyimakö Iehova, me laba balua but eling.

I. Samuela 27:12

Me Akisa ame kap hofuc ho Davita, me ba, ka habe, E ame ti oikikiâ e bi ka je lawaeny a at Isaraela; me waleling e ame he ka bi athnyaba könya nyiele balua.

I. Samuela 28:2

Me haingö Davita kö Akisa, ka habe, Awe u me he ka wâ ûnyi ame he ka ânyâ athnyabaem. Ke Akisa ame ha kö Davita, ka habe, Awe, oge me he ka otilö u he ka tuö bök nyiele balua.