Esodo 21:26 - Iaai Bible 1901 (New Caledonia)

²⁶ Ke a ne he at ka kot emakan athnyabainy baga, ame ne emakan athnyabainy a momo, me ohia e; me adre me he ka hna baûâ but e hnân hwaban emakan.

Esodo 21:26 ပူးပေါင်းရင်းမြစ်များ

Nehemia 5:5

Ke walang ang haba je unyihmun e ûcû me unyin je liamekeiny möhmun, me je lakuhmun e ûcû me je lakudrin: ke wâ bi öhmun e ham lakuhmun obaga me wahlu hnân lathnyaba, ke adre hia but hom keihen lakuhmun je hlu hnân bi athnyaba: ke ba manihmun he ka thawâ; anyin ae unyin keihen bi ihmun je utkânâ, me ihmun je hnyei vine.

Salamo 10:14

U je hia but wâ e; anyin a u me wâ ûöveci me vec, he ka hom e hnyi hnyamâm: Ke haba at ae theduoc ame hna but e bi köu; U thibi at ame hadruâ nakahme.

Salamo 10:18

He ka owisa Ka nakahme me tavat adre ovecâ, Me me ca he hmetu bi at a aten hmeledrany ka hwege hnyimakan.

Salamo 9:12

Anyin a haba at ame hnei can dra ame ûnykûmi ödra: Kʼ ame ca hnying hwatenge hwan tavat ae theduoc.

Esodo 21:20

Ke a ne he ke at ka kot athnyabainy baga, ame ne momo, ge osö, me ame mokcu hnyi hmelen hnyamen: adre me he ka bi hwaban kâu.

Esodo 21:24

ecmak hwaban ecmak, nyu hwaban nyu, hnyamen hwaban hnyamen, can hwaban can,

Esodo 21:25

hna thong hwaban hna thong, aat hwaban aat, okhaca hna hwaban okhaca hna.

Esodo 21:27

Ke a ne he ka kot hmetro nyona thnyabainy baga me momo, mʼ adre me he ka hna baûâ but e me hnân hwaban nyon.

Efeso 6:9

Ke haba öbun je than, ânyâ helâe minya ju öbun ködra, ca ooti ödra: anyin ae khanʼ öbun a ethö hnyi drany tha Tuhöbun mʼ ödra, ke e ame ca wâhmakhmetoâ bi tavat.

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

Kolose 4:1

JE than lö, ham dö ka je athnyabaibun ûnyi ae wisa me ûcû; anyin ae khanʼ öbun ae hu Tuhöbun ethö hnyi drany.