Esodo 21:1 - Iaai Bible 1901 (New Caledonia)

¹ KE walang je hna owisa u ma he ka omanenâ ködra.

Esodo 21:1 ပူးပေါင်းရင်းမြစ်များ

I. Je Than 6:12

Haba bongon uma ang u je op, me u je ne he ka vheno anyik je hnanyibu, me ânyâ hnok je hna owisa, me tuö hnok je hna hûna hia he ka vheno e; awe, oge me he ka ohmâ köu hok hofuc, waleji oge me ha kö Davita a kâmâm.

II. Man Ûlabainy Je Than. 19:10

Ke ka o köbun ke iwatretra ûnyi ge je liamekeiny möbun a hnyat labā anyidrin je taun, ge dra, ame ne hnanyibu, me hna hûna, me hna otilâ, me hna owisa, me öbun e he ka koû ködrin, mʼ ödrin e ca he ka kong kö Iehova, wâ e nye o hmonyin köbun me je liamekeiny möbun: ânyâ thö helâe me öbun e ca monu.

Nehemia 10:29

ke ödrin e kece hmâ ka je liamekeiny mödrin, me anyidrin je taben, me ödrin e tha ânyâ hna khemanyin me ha je manyidrin, he ka vheno hnanyibu anyin Khong, waleji a ham a deny Mose athnyabainy Khong, me he ka tuö me ânyâ je hna hûna hia anyi Iehova a Tuhötin, me hnen je hna owisa me hna otilâ;

Salamo 147:19

E ame omanenâ hwan hofuc kö Jekob, Ke anyin ta je hnanyibu me hna owisa kö Isaraela.

Esodo 19:7

Kʼ ame o but Mose me hâwâ wahingatiny hnyei, me haimemenâ ködra hofuc eling a hûna Iehova kâu.

Ezekiela 20:11

Ke oge me ham kodra anyik je hnanyibu, me omanenâ kodra hnok je hna owisa, waleji a e ka he at ka mâdrâ, me ame he ka möt hnyin.

Ezekiela 20:25

Ke haba khaca, oge me ham kodra je hnanyibu ae ca so, me je hna owisa a ca hnân melen;

Levitiko 18:26

Anyin a wale hamöbun he ka tuö anyik je hnanyibu, me hnok je hna owisa, ke ca he öbun ka ânyâ ke ûnyi hnyi ta je ûnyi eling ae ikiki, wale aten ibun hnyei, me aten ke je hnyei adre me laba kanyua unyibun:

Levitiko 18:5

Anyin a wale hamöbun he ka tuö anyik je hnanyibu, me hnok je hna owisa: anyin a haba at ame he ka ânyâ e, me ame he ka möt hnyin: Inya Iehova.

Levitiko 19:37

Ke hamöbun he ka tu anyik je hnanibu hia, me hnok je hna owisa hia, me ânyâ ta je ûnyi e: Inya Iehova.

Levitiko 20:22

Anyin a wale öbun e he ka tuö anyik je hnanyibu, me hnok je hna owisa hia, me ânyâ e: me ca he hnyei ka hmita degeci öbun, wale oge me hum öbun ka hnyin he ka labâ.

Malaki 4:4

Ûnykûme thʼ öbun hnanyibu anyi Mose athnyabaik, waleji oge me hûna kâu hnyi Horeba hobi kâu at Isaraela hia, wale je hna otilâ, me hna owisa.

Numera 35:24

awe, ame he ûkhacaköu ka owisa gadru, a at hlingâ at, me at ame bi hwaban komok, hoton je hna owisa eang:

Numera 36:13

Wale je hna hûna me je hna owisa, waleji Iehova ame ha ka lakon Isaraela a deny Mose, hnyi dok ae tha hon hnyi Moaba wale baten Joridano hnyi Jeriko.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Deuteronomi 15:12

Ke adre ne ûco köu ke at Heberu a liamekeiny möu, ame ne baga, ame ne momo, kʼ ame ne bi athnyabaem hnyi je huna a siks; me hamâm he ka hna baûâ e ûheny unyâm hnyi huna a seveniny.

Deuteronomi 4:14

Ke Iehova ame hûna könya hnyi ûen eling he ka nʼ öbun ge je hnanyibu me hna owisa, mʼ öbun e he ka tuö hnyi hnyei öbun e he ka hnyin he ka labā.

Deuteronomi 4:45

ke walang je ohnathoâ, me je hna otilâ, me je hna owisa hnö Mose hna omanenâ ka lakon Isaraela, ödra ka o but ûheny Aigupito;

Deuteronomi 4:5

Wâ bi, oge hia but ûne köbun je hnanyibu me je hna owisa, helâ me Iehova Khonguk ame hûna könya, mʼ öbun ehe ka ânyâ helâe hnyi hnyei öbun e he ka hnyin he ka labā.

Deuteronomi 4:8

Ke ewa hnyei ae gan ae hu je hnanyibu me je hna owisa ae so, helâ me je hnanyibu hia eang oge me ip hnyi hnyimaköbun hnyi bong ang?

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 5:31

Ke u me he bi u ka tot eang unyik, ke oge me he ka omanenâ hia köu ta je hnanyibu, me hna hûna, me je hna owisa, wale u me he ka nʼ ödra, mʼ adre me he ka ânyâ hnyi hnyei oge me he ka ham ködra me me idra.

Deuteronomi 6:1

KE walang hna hûna, me je hnanyibu, me je hna owisa, waleji a hûna Iehova Khongubun he ka nʼ öbun, mʼ öbun e he ka ânyâ hnyi hnyei öbun e he ka hnyin me me hu:

Deuteronomi 6:20

Ke e ka he nokom ka hnei u nyiele, la habe, Ieû bongon je hna ohnatho, me je hnanyibu, me je hna owisa, waleji Iehova Khonguta ame hûna köbun!

I. Thesalonika 4:1

KE walang obiny, hnyat me lakeiny lö, öhmun e sumat me ûjengi öbun ge Than Iesu, ka habe, haba hnöbun hna kap gahmun ge bongon he a öbun, me me osenyinâ Khong, ke öbun e he helâe,— mʼ öbun e he ka hwege tot hnyin bala.