Esodo 20:8 - Iaai Bible 1901 (New Caledonia)

⁸ Ûnykûme ju bong sabath he ka okâbâ.

Esodo 20:8 ပူးပေါင်းရင်းမြစ်များ

Genese 2:2

Ke haba hnyi bong a seveniny Khong ame oumo anyin ta je huliwa waleji e ame ânyâ.

Genese 2:3

Ke haba Khong ame hahnahicâ bong a seveniny, me okabâ e: anyin a e ame menâ hnyin, ûnyi hnyi anyin ta je huliwa hia thithö waleji Khong ame op me ânyâ.

Nehemia 13:15

Haba hnyi ûen eling oge me wâ hnyi Juda keihen adre me hlec wan vine hnyi sabath, me hok je bwiny hwit, me ohijenâ je asina; me waina minya, me je wan vine, me je wan meta, me je hok hia wale adre me sukhöûnâ Jerusalema ai hnyi bong sabath: ke oge me thawʼ ödrin hnyi bong ödrin e ûcû jeû hnyin.

Nehemia 9:14

me omanenâ ködrin ânyâm sabath ae kap, me ha ködrin je hna hûna, me je hna otilâ, me hnanyibu a deny Mose athnyabaem:

Esodo 23:12

Hnyi ta bong a siks u ma he ka ânyâ je hûdrâm, ke haba hnyi bong a seveniny u me he ka menâ: me me hnyi menâ halem bolok, me halem asina, me me he ka ohwegiâ hmeto nokon athnyabaem a momo, me atkanyua.

Esodo 31:12

Ke Iehova ame ha kö Mose, ka habe,

Esodo 35:1

KE haba Mose ame ûkhacaköuâ tavat hia lakon Isaraela, me ha ködra, ka habe, Walang je hofuc Iehova ame hûna, mʼ öbun e he ka ânyâ.

Isaia 56:2

Hnahic hnen at ame ânyâ e, me nokon at ame kât hmâ e; at ame tuö sabath, me ca okongoâ e, me at ame tuö hnyamen me me ca ânyâ bi hulo.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Jeremia 17:21

walang hna ha hnö Iehova, ka habe, Wâ eâu öbun, ke ca hom bi ke ûnyi hnyi bong sabath, ke ca dit më hnyi je homagouleny Jerusalema:

Jeremia 17:22

ke ca he öbun ka hok ûnyi ûnyi hnyi umöbun je uma hnyi bong sabath, ke ca ânyâ bi ke huliwa, ke so öbun e okâbâ bong sabath, helâji me hnok hna hûna ka lakamöbun;

Jeremia 17:24

Ke öbun e ne ti ling nya, haingö Iehova, me ca hom bi ke ûnyi ka hnyi je homagouleny taun ang hnyi bong sabath, ke öbun e ne okabâ bong sabath me ca huliwa hnyin e;

Ezekiela 20:20

ke okabâ thö anyik je sabath; ke ame he ka hnân haten könya möbun, me me khanʼ öbun a inya Iehova Khongubun.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Levitiko 19:30

Hamöbun he ka tuö anyik je sabath, me okabâ dok a kabik: Inya Iehova.

Levitiko 23:3

Siks je bong adre me he ka huliwa, ke haba hnyi bong a seveniny, me wale sabath hnân menâ, me ûkhacaköu ae kap: ca he öbun ka ânyâ ke huliwa: wale sabath anyi Iehova hnyi je hnyababun hia.

Levitiko 26:2

Öbun e he ka tuö anyik je sabath me okabâ dok a kapik: Inya Iehova.

Numera 15:32

Ke hnyi ûen lakon Isaraela adre me he hnyi hnyebuba, me adre me lelö ke at ame hlu uto hnyi bong sabath.

Deuteronomi 5:12

U ma tuö bong sabath he ka okabâ e, helâ me Iehova Khongom ame hûna köu.