Esodo 20:7 - Iaai Bible 1901 (New Caledonia)

⁷ U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Esodo 20:7 ပူးပေါင်းရင်းမြစ်များ

Genese 27:20

Ke haingö Isaaka ka nokon, ka habe, Nökuk a hawa u je ie wâ? Me haingen, ka habe, Anyin a hnö Iehova Khongom hna ohwegi nya.

I. Je Than 2:9

Ke walang ang u me ca he ka ha a e ba anyin monu, anyin a u at ae metâ, ke e khanö u ûnyi ae ûcû he ka ânyâ kâu, ke u me he ka hom ban ae hûen ka hnyi erkemok ge dra.

II. Je Than 5:20

Ke haba Gehazi athnyabai Elisaia aten Khong ame ha, ka habe, Wâ bi tuhok ame betenge ga Naamana at Suria, kʼ ame ca kap ûnyi hnyi li hnyamen ûnyi e ame hom jem: kia inya Iehova a oge me he ka wâdring hoton me hom gan ke ûnyi.

Salamo 139:20

Anyin adre me ûhnenamöi u kongu u, Adre me ha baûâ iâm, ta je iwahnaihmiöny möu.

Ta je Vejec 30:9

Wâ e nye sekuk dö, me ivino u, me ha, ka habe, Ia Iehova? Ke wâ iny nye theduoc, me venöu, Me ha monoâ ien Khonguk.

Jeremia 34:16

ke so bi öbun e hwio hmetu me okongoâ iök, me ve ohmeto je athnyaba obaga me omomo, waleji öbun e hna baûâ hoton wedra; ke öbun e musi ödra, he ka bi athnyaba obaga me omomo.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Ezekiela 39:7

Ke oge me he ka omanenâ iök ae kap hnyi wanben ik hnyei a Isaraela; ke oge me ca hnʼ ödra hmetu he ka haikongoâ iök ae kap: ke ame he je hnyei ka wâ a inya Iehova a kabi Isaraela.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

II. Korinito 1:23

Ke inya oge me hawâ Khong he ka ohnathoâ hon hanuk, a habaji kʼ iny tiga ca mwi bi Korinito, me, inya oge me betenge gabun.

Deuteronomi 10:20

U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

Deuteronomi 5:11

U me ca he ka ha bâûâ iö Iehova Khongom: anyin ame ca he Iehova ka ha ae ba kongon at ame ha mono ien.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.

Josua 2:12

Ke walang ang ö öbu khemanyin könya hnyi iö Iehova, a öbu me be ka betenge ge lap anyi cica helâ me oge me betenge gabu, ke ham könya haten ae hnathu:

Josua 2:17

Me ame ha kâu li at, ka habe, öhmu me he ka gufa hnyi hna khemanyin eang u me kunʼ öhmun hnyin.

Josua 9:20

Walang ûnyi otin e he ka ânyâ ködrin, me omeli ödrin; wâ e nye takû ota ge hmönyin, can hnöta hna khemanyin ködrin.