Esodo 20:6 - Iaai Bible 1901 (New Caledonia)

⁶ ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Esodo 20:6 ပူးပေါင်းရင်းမြစ်များ

Nehemia 1:5

me ha, ka habe, Inya oge me khöû köu, Iehova, Khongon drany, Khong ae gan hmâ me hnân outen, at ame tuö ûhihinyköu me ibetengiö ködrin tavat adre me hnyok kâu me tuö anyin je hnanyibu:

Salamo 103:17

Ke hwân adrem balua ke ne o but nyiele balua ibetengiö anyi Iehova ka tavat adre me outen e, Ke e bi hwakecin ae wisa ka lakon ta je lakon;

Esodo 34:7

at ame tuö ibetengiö hobi kâu ta je thauzan, me degecâ monu me hna hanyâûâ me hwakecin ae monu: kʼ ame ca he ka ha me ba hulö anyin tavat ae kong; kʼ ame bi hwaban monu anyin je kamen ka lakon, me laöbiny, ke ne o but hnyi dö a kuniny me vakiny.

Ta je Vejec 3:1

NÖKUK lö, ca he ka hnying anyik hnanyibu; Ke hna bi hnyekom he ka tuö hnok je hna hûna:

Jeremia 32:18

at ame omanenâ tang betenge ka ta je dö a thauzan, me bi hwaban hulo anyin je kamen ka hnyi ûlainy ta je lakudra hwabödra: Khong ae gan hmâ me man. Iehova tuhan sabaoth ien:

Daniela 9:4

Me oge me hic kö Iehova a Khonguk, me omanenâ, ka habe, Than lö, a Khong ae gan ke hna outen, at ame tuö ûhihinyköu me ibetengiö ka tavat adre me hnyok kâu, me vheno anyin ta je hnanyibu;

Numera 14:18

At ae bec he ka hmönyin Iehova, ke gan hmâ anyin ibetengiö, kʼ ame degecâ hulö, me monu, kʼ ame ca he ka ha ae ba kongon at ae kong; ke e ame bi hwaban monu anyin je kamen ka je lakon, ke ne o but ka hnyi dö a kuniny me vakiny.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 14:21

Haba at ae hu gan anyik je hnanyibu, kʼ ame vheno e, me wale bi e at ame hnyok könya: haba at ame hnyok könya, me ame he Cica ka hnyok kâu, ke oge me he bi nya ka hnyok kâu, ke oge me he minya ka omanenö nya kâu.

Ta je huliwa 2:39

Anyin a haba hna ha bânâ, me hnân hobi köbun me je lakubun, me hobi kâu hnyat a ödra sâkâu, wale hnyat hia ame he Than a Khonguta ka hawâ kâu.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

Deuteronomi 5:29

E na hu ju gadra hnyok ae ûcû mʼ adre me outö nya, me löng bala hnok ta je hna hûna hia, mʼ adre me so me je mâtrânidra nyiele balua!

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

I. Ioane 4:19

Ate me betenge, anyin a e ame bân ka betenge gata.

I. Ioane 5:3

Haba hnyok ka Khong, me wale thibi ang, a gʼ ate me löng hoton anyin ta je hnanyibu: e ca hmak anyin ta je hnanyibu.

II. Ioane 1:6

Ke walang ibetengiö, ka habe, ate me he ka hnu hoton anyin ta je hnanyibu. Walang hnanyibu öbun e löng ûnyi hnyi can, mʼ öbun e he ka vheno e.