Esodo 20:4 - Iaai Bible 1901 (New Caledonia)

⁴ U ma ca he ka bi hnatheat hobi köu, me oûco ke ûnyi ethö hnyi drany me eang hmelen, me hnyi köiö hmelen hnyei:

Esodo 20:4 ပူးပေါင်းရင်းမြစ်များ

I. Je Than 12:28

Me than ame ûhnenamö, me ânyâ li nokon kau gol; ke e ame ha ködrin, ha habe, E hmak köbun he ka he Jerusalema ai; Isaraela lö, wâ ju ang li khongom, a li at ödre hum u ûnyi hnyi hnyei Aigupito.

II. Je Than 17:12

ke ödrin e bi athnyaba ka je idola, waleji a ha Iehova ködrin, ka habe, Ca he öbun ka ânyâ ûnyi e.

II. Man Ûlabainy Je Than. 33:7

Ke haba idola adre theatâ wale e ame ânyâ, me e ame otilâ hnyi uma umen Khong, waleji a ha gan Khong kö Davita me Solomona a nokon, ka habe, Haba hnyi uma eang me hnyi Jerusalema wale o ge ûca ûnyi hnyi ta je tribu hia anyin at Isaraela, oge me he ka ip iök hnyin nyiele balua:

Salamo 78:58

Anyin a adre me ohmönyinâ e ge anyi dra je dok ae gorany, Me ociâ e ge anyidra je hnatheat,

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Esodo 20:23

Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Esodo 32:23

Anyin a haingödra könya, ka habe, Ânyâ thö hobi köta ke khong, me me hnyimakan anyita bunyen anyin a haba Mose, waleji at ame hum ota ûnyi hnyi hnyei Aigupito, me, ca khanʼ ota ûnyi a o kâu.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Esodo 34:17

U ca he ka ânyâ je khong adre oköiâ.

Isaia 42:17

Ke adre me he ka ohmetu ödra, mʼ adre me he ka hmehma, tavat adre me labageju ka ta je idola, tavat adre me ha ka je hnatheat adre okoiâ, ka habe, Öbun je khonguhmun.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 45:16

Adre me he hia thithö ka hmehma me hlohlo: adre me he ka he me tha monumonu, tavat adre me bi idola.

Ezekiela 20:7

ke oge me ha kodra, ka habe, Ve degec ut öbun ta je ûnyi ae ikiki hnyi hnyimaköbun, ke ca okongu öbun bi ge ta je khongon Aigupito; inya Iehova Khongubun.

Ezekiela 8:10

Me oge me dit me wâ ke wâ bi, ta je ûhöûcû hia ûnyi ame iyâû, me je meno ae ikiki, me ta je idola hia anyin lap Isaraela, adre sihnalimen igigilo hnyi hna up veto.

Ezekiela 8:3

Ke e ame hinöbeny helâke hnyam, me kât leûnen bok: ke haba hanu ame köp nya göranyai wanben hmeledrany me drany, kʼ ame hum nya Jerusalema ai hnyi hna omanenâ ûnyi ge Khong, ka hnyi hlinginy homagöule ka hnyi hnyeule eiö hnyin ka hnyi hwadro; wale taben idolainy ciâ hnyin, at ame ociâ.

Levitiko 19:4

Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

Levitiko 26:1

CA he öbun ka bi idola, ke ca he ka otilâ hobi köbun ke hnatheat, ame ne veto ame tot, kʼ öbun e ca he ka ip hnyi ibun hnyei ke veto adre kave he ka nom kâu; anyin a inya Iehova Khongubun.

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Ta je huliwa 17:29

Awe otin e ne je mâtâniny Khong, e ca so köta he ka ûnykûme a ga ûcû Khong me gol, me sileva, me veto adre me huliwan ge metâiny at, me bihihwakecin anyin at.

Roma 1:23

ke adre me wia thö hmanenanginy Khong ae möt balua, me ûcûcûbongoâ e me at ame he ka mok, me je meno ame gâ, me je meno a vak can, me je ûnyi ame iyâû.

Deuteronomi 16:22

Ke u me ca he ka otilâ hobi köu ke veto ame tot; wale ûnyi ame hûkötiâ Iehova Khongom.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Deuteronomi 5:8

U me ca he ka bi hnatheat hobi köu bi, me oûco ke ûnyi ethö hnyi drany, me eang hmelen, me hnyi köiö hmelen hnyei:

Hna Omanenâ 16:2

Me ame he but at a bân me hingâlâ anyin kaia ka hnyi hmeledrany; me ame o but anyû ae kong me ikiki ka hnyi hon tavat ae hu gadra haten meno, ke hon tavat minya adre me khudrung ka at ae we e.

Hna Omanenâ 9:20

Ke haba kolon tavat adre ca hlingâ bi ge ta je mok eling, me adre me ca ietra bi ta je huliwa anyin je hnyamödra, a gʼ adre me khudrung ka ta je demoni, ke je hnatheat gol, me sileva, me bras, me veto, me uto; a ta je ûnyi ae ca khanʼ ödra bwele, me löng, me he:

Owisa 17:3

Ke e ame ham hmetu je, mone a eleven haded ka hinyen, me hinyen ame ha, ka habe, Oge me okabâ je mone kö Iehova ûnyi hnyi hnyamök hobi kâu nokuk, mʼ adre me ânyâ hnatheat adre tretrao me hnatheat adre oköiâ: ke walang ang oge me he ka ham köu.