Esodo 20:3 - Iaai Bible 1901 (New Caledonia)

³ U ma ca he ka hu ke je khong hnyi hnyimakök.

Esodo 20:3 ပူးပေါင်းရင်းမြစ်များ

I. Je Than 11:4

Anyin ae ka hingat ut Solomona, haba laâiân ödrin e wia thö hynekon he ka hnu hoton je khong me monu: ke e ca bekhot bi hnyekon kö Iehova a Khongon, helâ me hnyeku Davita a kamen.

Salamo 29:2

Ham dö kö Iehova hmanenang ae ûcû me ien; Khudrung ju kö Iehova hnyi mec ae kap.

Salamo 73:25

Anyin a ca hobi könya hnyi drany ethö? Ke ba wek ge at eang hmelen ke hake u ke.

Salamo 81:10

Inya thibi Iehova Khongom, At ame hum u but ûnyi hnyi hnyei Aigupito: Memang gan hmâ but hnyimâm, me oge me he bi ka öunöngötâ e.

Salamo 81:9

Ame ca he ka e unyâm ke khong kanyua; Ke u me ca he ka khudrung ka khongon ke hnyei.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 20:23

Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

Esodo 22:19

Adre me he ka hlingâ at ame tha mokut me meno.

Esodo 23:24

U ca he ka khudrung ka ta je khongundrin, me bi athnyaba ködrin, me ânyâ helâ me anyidrin huliwa: ke so bi u me he ka hagutʼ ödrin, me kot omomono anyidrin je veto ame tot.

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Esodo 34:14

anyin a u me ca he ka khudrung ka ke khong: anyin a Khong ame ciâ Iehova, Ciâ ien:

Isaia 26:4

Labageju thö kö Iehova nyiele balua: anyin a haba Than Iehova, me kic nyiele balua.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 43:10

Öbun tavat ohnathu nya, haingö Iehova, ke athnyabaik waleji oge me ûca: me me khanʼ öbun me labageju könya, me wâ ûnykûme a inya thibi; e ba ke Khong a ban ke bilik bi, ke haba khaca, me ba ke at hnyi hwabök.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 46:9

Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Jeremia 25:6

ke ca hnu hoton ke je khong he ka bi athnyaba ködrin, me khudrung ködrin, ke ca he bi ka ohmönyini nya ge ta je huliwa anyin je hnyamöbun; ke oge me ca he ka okongu öbun.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Daniela 3:18

Ke so bi a ne ba, me wâhmakhmetoâ ju than a ohmun e ca he ka bi athnyaba je khongom, me khudrung ka hnatheat gol u je otilâ.

Hosea 13:4

Ke inya Iehova Khongom ûnyi hnyi hnyei Aigupito; kʼ ame ca he ka khanö u ke khong ke hake inya thibi, ke ba at ûhomeli ke hake inya ke.

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

I. Korinito 8:4

Haba ge hna an ta je ûnyi adre hudo ka ta je hnatheat, e khanʼ öta ae ûnyi baû eang hmeledrany hnatheat, ke ba minya ju ke Khong, ke khaca thibi.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Deuteronomi 5:7

U me ca he ka ânyâ ke khong hnyi hnyimakök.

Deuteronomi 6:14

Ca he öbun ka hnu hoton je khong a je khongon tavat igigili öbun;

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

Kolose 2:18

Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin,

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.

Hna Omanenâ 22:9

Me e ame ha könya, ka habe, Ohe, ca ânyâ, iny athnyaba möu me je perofeta a je liamekeiny möu, me tavat adre me löng hoton hofuc hnyi tusi ang: khudrung ju ka Khong.

Owisa 6:10

ke oge me ha köbun, ka habe, Inya Iehova Khongubun; ca he öbun ka outen je khong khongon at Amora, wale hnyei öbun e labā: ke öbun e ca long hok hofuc.