Esodo 20:24 - Iaai Bible 1901 (New Caledonia)

²⁴ U me he ka ânyâ hobi könya ke taben hut a kânâ, ke u me he ka hudo hon ânyâm je hut adre le, me ânyâm je hudiny ûsoköu, me halem je mamoe, me halem je kau: haba hnyi je dok hia oge me he ka oûnykûmeâ iök hnyin oge me he ka o köu me ohnahici u.

Esodo 20:24 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

II. Samuela 6:12

Ke adre me thumetu Davita than, ka habe, Iehova ame hia but ohnahicâ lap anyi Obed-edoma me ta je ûnyi hia can tang tangen Khong. Me haba Davita ame he me hom senyinâ tang tangen Khong, ûheny hnyi uma umö Obed-edoma, ka hnyi taun anyi Davita.

I. Je Than 8:29

me me bwele, li emakâm ka hnyi uma eang hnyi hnyinghet me lany, wale ka hnyi dok u je ha gan, ka habe, Ame he ka hnen e iök: he ka long hic hijin athnyabaem hnyi dok ang.

I. Je Than 8:43

awe, u na long ju hnyi drany, a hnyabam, me ânyâ helâ me ta je ûnyi hia ame hawo u hnyin atkanyua; me me khana iâm tavat hia eang hmeledrany, he ka outö u, helâ me hna ânyâ hnen lakem a tavat Isaraela, me me khanʼ ödra a gʼ adre hwenyi ien uma eang wale oge ânyâ, me iâm bi.

I. Je Than 9:3

Ke Iehova ame ha kâu, ka habe, Oge hia but long hijâm hic me ânyâm sumat hnyi hnyimakök: oge hia but okabâ uma ang, wale u je ânyâ hnân ip iök hnyin nyiele balua; ke ame he ka e ling li emakök me hnyekuk hnyi je bong hia thibut.

II. Je Than 5:17

Haba Naamana ame ha, ka habe, Hawa, a ne ca eling, ö u hnʼ ödrin he ka ham ka athnyabaem tang kânâ ame aijen li miul, anyin ame ca he hmetu athnyabaem ka hudo hudiny leû me ke hut bi ka ke je khong ke so bi kö Iehova thibi.

II. Man Ûlabainy Je Than. 12:13

Ke haba Reoboama than ame ohwegiâ e bi hnyi Jerusalema, kʼ ame musi bi: ke fâti wan je hunai Reoboama hnyi ûen e ame hwân ka musi, ke seventiny je huna e ame musi hnyi Jerusalema, wale taun a ûca ga Iehova ûnyi hnyi ta je tribu hia hnyi Isaraela, he ka ip hnyin ien: ke haba ien hinyen, me, Naama momo Amona.

II. Man Ûlabainy Je Than. 6:6

ke oge me ûca Jerusalema, mʼ adre me ip eling iök; ke oge me ûco Davita he ka musi hon lakeik a Isaraela.

II. Man Ûlabainy Je Than. 7:16

Ke walang oge hia but ûca me okabâ uma ang, me me eling iök nyiele balua: ke ame he ka eling li emakök me hnyekuk hnyi je bong hia thibut.

Ezera 6:12

ke so ame he Khong at ame ip ien eling ka ohia ta je than me ta je hnyei hia thithö, ödrin e he ka inâ je hnyamödrin he ka wia ûnyi e, he ka ohia uma umen Khong eling wale hnyi Jerusalema. Oge me hia but hûna, inya Dariu, ie ânyâ thö.

Nehemia 1:9

ke öbun ka he ka hwio könya me tuö anyik je hnanyibu me ânyâ, eja ke ne adre ne obʼ öbun ka hnyi je can hmeledrany, me oge me he ka ûkhacaköu öbun ûhebun e, me hum öbun ka hnyi dok waleji oge me ûca he ka ip iök hnyin.

Salamo 101:2

Oge me he ka metâ hnyi gethen ae wisa: Ie ûen u me he ka o hnyin könya? Oge me he ka he hnyin umök uma me hnyok ae wisa.

Salamo 122:2

Jerusalema lö, ame tot je li cahmun Hnyi ta je homagöulem;

Salamo 128:5

Ame he Iehova ka ohnahici u ûheny Ziona: Ke u me he ka wâ so ka Jerusalema hnyi je bong hia bongon ânyâm möt.

Salamo 134:3

E so he ka hahnahici u ûheny Ziona hnö Iehova; Wale at ame op drany me hmeledrany.

Salamo 74:7

Adre hia but thong degecâ umâm uma kap; Adre hia but okongoâ hnyaban iâm ke ne o but ka hnyi kânâ.

Salamo 76:2

Ke e bi hnyi Salema umen uma menâ, Ke e hnyi Ziona hnyaban.

Salamo 78:68

Ke e ame ûca tribu Juda, Wale bucen Ziona e ame hnyok kâu.

Esodo 10:25

Ke haingö Mose, ka habe, Hâmâm he ka hna ka hnyi je hnyamöhmun je hut, me je hudiny leû, mʼ ohmun e he ka bi hut kö Iehova Khonguhmun.

Esodo 18:12

Ke Jethero, ûngu Mose, ame hom hut adre le me je hut ka Khong: ke ame o Arona me wahingatiny Isaraela hia he ka tha han me ûngu Mose hnyi hnyimakan Khong.

Esodo 20:25

Ke u je ne he ka otilâ taben hut a veto hobi könya, u ma ca he ka op e ge je veto adre delâ: anyin a u je ne inâ ânyâm ûnyi huliwa hon, me u je he ka okongoâ.

Esodo 24:4

Ke haba Mose ame sihnalimen je hofuc ho Iehova, me vesâkong, me otilâ taben hut hmelen bucen, me je veto ame tot a twelv hoton je tribu a twelv anyin at Isaraela:

Esodo 24:5

Ke e ame kunâ wahidröu a je lakon Isaraela, mʼ odrin e hudo ta je hut adre le, me hudo kö Iehova je kau hnân hudiny ûsoköu.

Esodo 27:1

KE u me he ka tibet taben bihut a utö öhum, faiv je kubit ibeûen, ke faiv kubit ûlauen; ke khaca tulut vak ta baten taben bihut: ke kun ta kubit ibeûen goranyai.

Isaia 64:5

U me ûkhanö me at ame senyin me ânyâ hwakecin ae wisa, tavat adre me ûnykûme köu hnyi dem ta je gethen: wâ bi, u je hmönyâm, ke öhmun e ânyâ hwakecin ae kong: öhmun e laba kueny hnyin, ke hawa, öhmun e ha ka möt?

Levitiko 17:9

kʼ ame ca he ka hnyi hwanumen uma ûkhacaköu he ka hudo e kö Iehova, me adre me he ka subâ degecâ at eling ûnyi hnyi iny hnyei.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 18:20

Anyin a haba dok ame ûkhacaköu hnyin li at a lo, ame ne kun, hnyi iök, me inya ling hnyi wanbödrin.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Deuteronomi 12:11

awe, haba dok ame he Iehova Khongubun ka ûca hnân umen ien bi; me öbun e he ka hom kâ e ta je ûnyi oge hûna köbun; wale je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun ta je khöbi hia ae ûnyi hnathu kö Iehova:

Deuteronomi 12:21

Ke ame ne ti sâkâu gam dok ame he Iehova Khongom ka ûca me me ip ien hnyin, awe, u me he ka hlingâ halem ke je kau me mamoe, a ham köu Iehova, helâ me hnok hna hûna köu, ke u me he ka han hnyi ânyâm je lap, hoton je weny hnyekom hia.

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Deuteronomi 14:23

Ke u me he ka han ke keihen a libenyitainy ânyâm hwit, me ânyâm waina, me ânyâm wakaco, me je nokon halem je kau a bân, me halem je mamoe, hnyi hnyimakö Iehova Khongom, hnyi dok e ame he ka ûca me me laba hnyin ien; mʼ u me he ka nâ ka outö Iehova Khongom hnyi ta ogo bong hia.

Deuteronomi 16:11

ke u me he ka senyin hnyi hnyimakö Iehova Khongom, u, me nokom baga, me hlu, me athnyabaem a baga, me momo, me at Levi hnyi je hnyabam, me atkanyua, me nakahme, me safac unyâm, hnyi dok ame he Iehova ka ûca hnân umen ien.

Deuteronomi 26:2

awe, u me he ka hom je wan kânâ hia a bân, wale u me he ka hom ûnyi hnyi em a ham köu Iehova Khongom: ke u me he ka hitangen, me hom e ka hnyi dok ame he Iehova Khongom ka ûca me me umen ien bi.

Deuteronomi 7:13

me e ame he ka hnyok köu, me ohnahici u, me osehiö u: kʼ ame he minya ka ohnahicâ je wan hnyekom, me wan kânâm kânâ, wale ânyâm hwit, me ânyâm waina, me ânyâm wakaco, me lakon halem je kau, me je hnahat halem je mamoe, hnyi hnyei e ame khemanyin ka lakâmâm he ka ham köu.

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.