Esodo 20:22 - Iaai Bible 1901 (New Caledonia)

²² Ke haba Iehova ame ha kö Mose, ka habe, Walang hofuc u ma he ka ha ka lakon Isaraela, ka habe, Öbun e wâ but a oge hia but ûhnenamö möbun ûnyi hnyi drany.

Esodo 20:22 ပူးပေါင်းရင်းမြစ်များ

Nehemia 9:13

Ke u je utut ka hnyi hon bucen Sinai, me ûhnenamö mödrin ûnyi hnyi drany, me ham ködrin je hna owisa ae ûcû, me je hnanyibu ae hnathu, me je hna otilâ me hna hûna ae so:

Deuteronomi 4:33

Hawa, e hu ke hnyei ame löng hofuc hwan Khong ame fuc hnyin meic, helâ me hnâm hna löng, ke möt bi?

Deuteronomi 4:36

E ame hna köu he ka löng hwan hofuc ûnyi ethö hnyi drany, me me nö u: ke e ame omanenâ köu eang hmelen anyin meic ae gan; ke u je löng hwan je hofuc ûnyi hnyin meic.

Deuteronomi 5:24

ke öbun e ha, ka habe, Wâ bi, Iehova Khonguta ame omanenâ köta hmanenanginy me ûganiny, kʼ ate me hia but löng hwan ame fuc ûnyi hnyi wanben meic: ate me wâhmakhmeto but hnyi bong ang a Iehova ame ûhnenamö me at, kʼ ame möt bi.

Deuteronomi 5:26

Anyin a ewa at unyin tavat hia ame löng hwan Khong ae möt ame fuc hnyin meic helâ me hnöhmun hna löng, kʼ ame möt bi?