Esodo 20:20 - Iaai Bible 1901 (New Caledonia)

²⁰ Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

Esodo 20:20 ပူးပေါင်းရင်းမြစ်များ

Genese 20:11

Ke Aberahama ame ha, ka habe, Oge me ûnykûme bi nya, ka habe, e ba ot ka Khong hnyi dok ang; me ödrin e he ka hlingö nya can öiök.

Genese 22:1

KE hwaban ta je ûnyi e, haba Khong ame cubic Aberahama, me ha kâu, ka habe, Aberahama lö; me e ame thu, ka habe, Inya ang.

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 3:7

Ca oûnyihnathoâ ânyâm bi metâ; Ot ju ga Iehova, me kec do ge hulo:

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:13

Anyin a inya Iehova Khongom oge me he ka kat benyâm a metâm, me ba köu, ka habe, Ca ot; oge me he bi nya ka hadruo u.

Isaia 8:13

Öbun e he ka okabi Iehova tuhan sabaoth; ke so öbun e he ka ot kâu, me öbubuny gan.

Deuteronomi 10:12

Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

Deuteronomi 13:3

awe, u me ca he ka löng hofuc hwan at eling, ame ne perofeta, kʼ ame ne at bwi: anyin a Iehova Khongubun ame cubic öbun he ka wâ öbun e ne hnyok kö Iehova Khongubun ge hnyekubun ae bekhöt, me hanubun ae bekhöt.

Deuteronomi 4:10

waleji hnyi bong u je tot hnyi hnyimakö Iehova Khongom hnyi Horeba, kʼ ame ha könya Iehova, ka habe, Ûkhacaköu thö könya tavat, mʼ adre me he ka löng hok je hofuc, me me khanʼ ödra he ka outö nya hnyi ta ogo bong bongon anyidra möt hnyi hnyei, mʼ adre me he ka ûnö ka lakudra.

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

Deuteronomi 6:24

Ke Iehova ame hûna kohmun he ka inyâ ta je hnanyibu eang, he ka outö Iehova Khonguta, mʼ ate me so bala, me e ame omeli öta, helâ me hnyi bong ang.

Deuteronomi 8:16

at ame hâm ge mana hnyi hnyebuba ûnyi a ca wâ hnen lakâmâm; me me oûhnyûkongi u, me cubic u, he ka ohnahici u hnyi obiny:

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Josua 24:14

Ke walang any ot ju kö Iehova, me bi athnyabainy ge hnyok me hnathu minya: ke degec ut je khong wale a athnyabainy lakamöbun hoton Wagewe me e Aigupito; ke bi athnyabai Iehova.

I. Samuela 12:20

Haingö Samuela ka tavat, ka habe, Ca ot öbun: e hnathu öbun e hia but ânyâ ta je hulö eang: ke so bi ca he öbun ka saû ga Iehova, ke bi athnyaba Iehova ge je hnyekubun ae bekhöt;