Esodo 20:17 - Iaai Bible 1901 (New Caledonia)

¹⁷ U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

Esodo 20:17 ပူးပေါင်းရင်းမြစ်များ

Genese 14:23

ka habe, Oge me ca he ka hom ke hnyiban tö, me ong wen taben hnyeûca me ke ûnyi bi a ânyâm, wâ u nye ha thö, ka habe, Oge hia but otreni Aberama ge omjeû:

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Genese 34:23

Hawa, ame ca he anyidra ta je ûnyi, me tang omjehedra, me haledra ta je meno hia ka anyitin î E so ate me he ka ogʼ ödra, kʼ adre me he ka tha laba möta.

Jobu 31:1

OGE me ûhihinyköu me li emakök; Me oge ma kâmâu ka wâ hmâ hlu?

Jobu 31:9

A ne hia but iyawâ hnyekuk hnen ke momo, Ke oge ne hia but tuö hnyi hwanumen ke at:

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Salamo 119:36

Ohmehmela thö hnyekuk ka hnyi hnâm ta je hna ohnathoâ, Ke ca he ka behnyokâ omjeû bi.

Ta je Vejec 4:23

Ti tuö wia ju hnyekom; Anyin ame o but möt ûnyi e.

Ta je Vejec 6:29

Ke helâe at ame he ka âiân ke at; Ame ca he ka ba hwaban ka at ame kâlâ momo e.

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

Isaia 33:15

Haba at ame vheno wisa, kʼ ame ha hofuc ae wisa; ke ame hûkotiâ hwaban hna ovecâ, kʼ ame jijingâ li hnyamen be me ca kap hwaban ae hwali, kʼ ame hlöng li hnyikonyen me me ca long ge dra, kʼ ame mûko li emakan me me ca wâ hulo;

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Jeremia 22:17

Ke haba li emâkâm me hnyekom hobi kâu hnâm hna behnyekon, me he ka hingâlâ dra ae ba hnyikongon, me hobi kâu hna okongâo, me ûokonguny, me me ânyâ thö.

Jeremia 5:8

Haba hnyi je hnyomakatu ödra ûcû me je hors adre me han so: adre me ve kuku ka ta je laâiân ke at.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Habakuka 2:9

Ekölö ge at ame hûgûnâ troban ae hwali hobi kâu anyin lap, me me ip ethö görany hâûen, me me möt ûnyi ge hnyamen ûkongon!

Mataio 20:15

Hawa, e ca ûcû könya he ka ânyâ wek ge anyik ta je ûnyi? hawa e kong emakâm anyin a iny at betenge?

Mataio 5:28

ke inya bi oge me ha köbun, ka habe, haba at ame wâ hmâ âiân ke at me behnyekon e, me a hia but bi ûnyi monu mē eû hnyi hnyekon.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Ta je huliwa 20:33

E ba sileva, me gol, me ûkkaû anyin ke at oge behnyekon.

Ta je huliwa 5:4

Hawa, ca ânyâm ehac kʼ ödra tiga ca ûco? ke hwaban hnâm hna ûco, hawa ca hamâm bala bi he ka muso? ieû gam u me ûnykûme ûnyi eang hnyi hnyekom? u me ca thoi ka at, ke ka Khong bi.

Roma 13:9

Ke walang ka habe, U ca he ka bi ûnyi monu, U ca he ka ûlingö, U me ca he ka venöu, U ca he ka behnyekom, ke a ne hu ke hnanyibu, wale thibi e hnyin hofuc ang, ka habe, U me he ka betenge ge at ame laba hakekenyi u helâ me u bi.

Roma 7:7

Anyin a wale ieû ate me he ka ha? E monu hnanyibu? Ohe. Ke so bi a ne ba hnanyibu mʼ oge me ne ca he ka wâ ûnykûme hulo: a ne ca ha bi hnanyibu, ka habe, U ca behnyekon, me ca khanö nya bi behnyekon:

I. Korinito 6:10

me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

Efeso 5:3

Ke haba bi ûnyi monu, ke ta je hwakecin hia ae ikiki, ke behnyekon, me ca he hmetu bi ka ha unyibun, anyin ae ca ûcû ka wakap;

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Deuteronomi 5:21

U ca he ka behnyekom âiân ke at; kʼ u me ca he ka beweny uma umen ke at, me iny hnyei, me athnyabainy a baga, me athnyabainy a momo, me halen bolok, me haleny asina, me ta je ûnyi hia anyin ke at.

Deuteronomi 7:25

Ke öbun e he ka thong degecâ ge meic ta je hnatheatiny anyidra je khong: ke u me ca he bi ka behnyekon sileva me gol wale adre tube kâu, me hom e me ânyâm bi, wâ e nye nuc u hnen ûnyi eling: anyin a haba ûnyi e me ûnyi ae ikiki kö Iehova Khongom:

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Josua 7:21

haba hnyi ûen oge me wâ ûnyi hnyi je ûnyi adre hûgûnâ ke ûkhaûiny Sinara ae so, ke lo li haded je sekel sileva, ke ong gol a fifte je sekel, me oge me behnyekon me hom ta je ûnyi e; ke wâ bi adre ikhâlâ hnyi wanben umök uma mano hnyi kânâ, ke eû hmelen e je sileva.

I. Samuela 12:3

Inyʼ ang: ohnathu nya thö hnyi hnyimakö Iehova, me hnen hna hû: ia oge hom haleny bolok? ke hale ia asina oge hom? ke oge iyawö ia? ke oge oveci ia? ke oge kap hwaban ûnyi hnyi hnyamö ia he ka omûkâ li emakök can e? mʼ oge me he ka ham hmetu köbun.

I. Samuela 15:19

Ke ieû gam a u je ca long hofuc ho Iehova, ke u je gâ he ka hom ta je hna hûgûnâ, me ânyâ ûnyi ae kong hnyi hnyimakö Iehova?