Esodo 20:13 - Iaai Bible 1901 (New Caledonia)

¹³ U ca he ka ûhlingö.

Esodo 20:13 ပူးပေါင်းရင်းမြစ်များ

II. Je Than 21:16

Ke haba khaca, Manase ame hingâlâ dra ae ba hnyikongon e ti gan, ke ne o but ame ti unöngötö Jerusalema gan hnyi je ke keihen hia; me anyin minya hulö wale ame okûâ hwakecin ae kong anyin at Juda, wale he ka ânyâ ûnyi ae kong hnyi hnyimakö Iehova.

II. Man Ûlabainy Je Than. 24:22

Haba Joasa than ame ca ûnykûme ibetengiö anyi Jehoiada a kamen, kʼ ame hlingâ nokon bi. Ke ame tiga he but ka mokcu, me haingen, ka habe, E na wâ ju Iehova me bi hwaban.

Esodo 21:12

Haba at ame kot moko at adre me he ka hlingâ.

Esodo 21:14

Ke ame ne he ke at ame sihnân ke at he ka hlingâ hnen anyin tang iyawö, u ma he ka hom e ûnyi hnyi anyik taben hut me me mokcu.

Esodo 21:20

Ke a ne he ke at ka kot athnyabainy baga, ame ne momo, ge osö, me ame mokcu hnyi hmelen hnyamen: adre me he ka bi hwaban kâu.

Esodo 21:29

Ke a ne hwakecin kau eling e hac he ka ûdö, kʼ adre hia but omanenâ e ka at ae tren kau, kʼ ame ca tuö e, me ame hlingâ at, a ne baga a ne momo; me adre me he ka lûâ kau ge veto, kʼ adre me he minya ka hlingâ at ae tren kau.

Esodo 23:7

Ûsâkâûö u but me hofuc ae thoi; ke ca he ka kot at ae ba kongou, ke wisa hwakecin: anyin oge me ca he ka haiwisa at ae kong.

Ta je Vejec 1:11

Adre me ne ha, ka habe, Öta be, Ate me mokulec at, Ate me he ka tuö at ae ba hnyikongon, ke ba can;

Ta je Vejec 1:18

Ke haba je hnyat eling adre me khöu mokut kodra bi, Adre me mokut duöng kodra bi.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Jeremia 26:15

Ke so bi, wâhmakhmeto ju öbun, öbun e ne he ka hlingö nya, öbun e he ka ohwâdâ dra ae ba hnyikongon hubun, me hon taun ang me tavat adre me labā e: anyin ae hnathu Iehova ame kunö nya köbun he ka ha ka hnyi je hnyikönyöbun ta je hofuc ang.

Levitiko 24:17

Ke haba at ame kot ke at me me mok, me adre me he ka hlingâ e;

Levitiko 24:21

Ke haba at ame hlingâ meno, me e ame he ka bi hwaban e: ke haba at ame hlingâ at, me adre me he ka hlingâ e bi.

Mataio 19:18

Haingen ame ha kâu, ka habe, Ewa? Ke Iesu ame ha kâu, ka habe, U ca he ka hlingâ, U ca he ka bi ûnyi monu, U ca he ka venöu, U me ca he ka ohnathoâ thoi,

Mareko 10:19

E khanö u ta je hnanyibu, ka habe, Ca he ka ûhlingö, Ca he ka bi ûnyi monu, Ca he ka venöu, Ca he ka ohnathoâ thoi, Ca iyawö, Ogânâ kâmâm me hinyâm.

Luka 18:20

E khanö u ta je hnanyibu, ka habe, U ca he ka bi ûnyi monu, U ca he ka ûhlingö, U ca he ka venöu, U ca he ka bi fuco thoiâ, Ogânâ ju kâmâm me hinyâm.

Ta je huliwa 16:28

Ke haba Paulo ame ha hwegiâ, ka habe, Ca mē okongu u bi, anyin a ohmun bia ang.

Ta je huliwa 28:4

Ke haba je wanaithila adre me wâ on ame him hnyi hnyamen, me adre me ûhaköuâ, ka habe, At ûhlingö at eang, wale a möt ut ûheny eû hnyi köiö, ke a ca hna e hnen Wisa he ka hnyi möt.

Roma 13:9

Ke walang ka habe, U ca he ka bi ûnyi monu, U ca he ka ûlingö, U me ca he ka venöu, U ca he ka behnyekom, ke a ne hu ke hnanyibu, wale thibi e hnyin hofuc ang, ka habe, U me he ka betenge ge at ame laba hakekenyi u helâ me u bi.

Galatia 5:21

me behnyok, me ic monu, me imediaköu, me ta je ûnyi helâe: inya oge me haimemenâ köbun ge ta je ûnyi e, helâji me hnok hna haimemenâ ehac, ka habe, haba tavat adre me ânyâ helâe me adre me ca he ka bi hwajeköûdra hnyi dokhu dokhon Khong.

Deuteronomi 5:17

U ca he ka ûhlingö.

I. Timoteo 1:9

wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

Iakobo 2:11

Anyin a baba at, waleji ame ha, ka habe, Ca he ka bi ûnyi monu, me ame ha minya, ka habe, U ca he ka ûblingö. Ke u je ne ca bi ûnyi monu, ke u at ûhlingö bi, me u at ame hanyâûâ hnanyibu.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.