Esodo 20:12 - Iaai Bible 1901 (New Caledonia)

¹² Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

Esodo 20:12 ပူးပေါင်းရင်းမြစ်များ

Genese 48:12

Ke Josefa ame hum ödru ûnyi hnyi wanben li boucan me nom ju hnyikânâi.

Genese 50:12

Ke haba lakon ödrin e ânyâ kâu helâ me hnen hna hûna ködrin:

I. Je Than 2:19

Haba Bathe-seba ame he kö Solomona than he ka ûhnenamö më ga Adonia. Ke than ame tot he ka ûkhanö më, ke e ame nom kâu, me laba hon anyin theron, me kunâ he ka ip ke theron hobi kâu hinyen than; ke momo ame laba hnyi ke keihen a metân.

II. Je Than 2:12

Ke haba Elisaia ame wâ e, me e ame hongot, ka habe, Cica, cica, je kariota anyin at Isaraela me aten tabô hors! Ke ame ca wâ hmetu bi e: me ame kât anyin bi je ûkhaû me kia luâ.

Esodo 21:15

Haba at ame kot kamen me hinyen, adre me he ka hlingâ.

Esodo 21:17

Kaba at ame hangâ kamen me hinyen adre me he ka hlingâ e.

Ta je Vejec 15:5

Haba at ae monu, me ame hmiân hna ûne hnen kamen: Ke haba at ame kap hna nâ, me ame he ka wâ wia.

Ta je Vejec 17:6

Korona anyin wahingat ta je laöbidra; Ke haba hmanenanginy je wanakat, me ûnyâ lakamödra.

Ta je Vejec 20:20

Haba at ame hangâ kamen me hinyen, Me adre me he ka ume anyin lamepa hnyi wanben menekholom.

Ta je Vejec 28:24

Haba at ame venâu ta je ûnyi anyin kamen me hinyen, ke ha, ka habe, E ba monu; Me e hanen at ame useda.

Ta je Vejec 3:16

E se hia ta je bong hnyi benyin a metân; Ke tang omjeû, me hna ogânâ hnyi benyin a meny.

Ta je Vejec 30:11

E hu dö adre me hangâ kamödra, Me ca haisoâ hinyödra.

Ta je Vejec 30:17

Haba ecmak at ame hlumâ kamen, Ke höcö long hinyen, Me ame he je orebainy hnyigöulen bucen ka ûâ e, Kʼ ame he je lakon aeto ka an e.

Jeremia 35:18

Ke haba Jeremia ame ha ka lap anyi Rekaba, ka habe. Walang hna ha hnö Iehova tuhan sabaoth, Khongu Isaraela, ka habe, Anyin öbun e hia but löng hoton hna hûna hnö Jonadaba a kamöbun, me tuö hia hnen je hna huna, me mâdrâ helâ me hnen hna hûna hia köbun;

Jeremia 35:7

ke öbun e ca he ka up uma, me belök, me te vine, me hu je ûnyi e: ke öbun e he ka labā je uma mano hnyi je bong hia thithö; mʼ öbun e he ka mot hnyi je bong ae se hia hon kânâ wale öbun e laba atkanyua hnyin.

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Levitiko 19:32

U me he ka köûö hnyi hnyimakan at ae hûen ban, me ogânâ hnyimakan hingat, me u me he ka outen Khongom: Inya Iekova.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Mataio 19:19

Ogânâ kâmâm me hinyâm: ke, U me he ka betenge ge at ame laba hakekenyi u helâ me u bi.

Mareko 10:19

E khanö u ta je hnanyibu, ka habe, Ca he ka ûhlingö, Ca he ka bi ûnyi monu, Ca he ka venöu, Ca he ka ohnathoâ thoi, Ca iyawö, Ogânâ kâmâm me hinyâm.

Mareko 7:10

Anyin a haingö Mose, ka habe, Ogânâ kâmâm me hinyâm; ke, Haba at ame he ka haikongoâ kamen me hinyen, me adre me he ka hlingâ e:

Luka 18:20

E khanö u ta je hnanyibu, ka habe, U ca he ka bi ûnyi monu, U ca he ka ûhlingö, U ca he ka venöu, U ca he ka bi fuco thoiâ, Ogânâ ju kâmâm me hinyâm.

Efeso 5:21

ke ûlingköu öbun ju hnyi ot ka Keriso.

Deuteronomi 11:8

Anyin a wale hamöbun he ka tuö je hnanyibu hia oge me hûna köbun hnyi bong ang, mʼ öbun e hwege, me he, me hu hnyei öbun e he kâu, mʼ öbun e he ka hu;

Deuteronomi 11:9

me me se hia bongubun je bong hnyi hnyei ame khemanyin Iehova ka lakamöbun he ka ham ködrin me mâtrânidrin, a hnyei ame di hnen debai me hani.

Deuteronomi 21:18

Ame ne ke at ae hu nokon baga ae ûjöng me ûkhin fuc, kʼ ame höcö löng hwan kamen me hinyen, ke ne ödre hia but kot e, ke e ame ca ling ödru bala bi:

Deuteronomi 25:15

Ke u me he ka hu tulut ae bekhöt me wisa; efa ae bekhöt me wisa u me he ka hu: me me se hia bongom je bong hnyi hnyei a ham köu Iehova Khongom.

Deuteronomi 27:16

Hnaûhangö at ame ca oûnyihnatho kamen me hinyen. Kʼ ame he tavat hia ka ha, ka habe, Amen.

Deuteronomi 32:47

Anyin a ca ûnyi bi e ae hâhâ köbun: anyin a e melibun, ke haba ûnyi ge ûnyi eling me öbun e he ka osehia bongubun je bong hnyi hnyei öbun e he ka hanyâûâ Joridano ka hnyin mʼ öbun e labā.

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.

Deuteronomi 4:40

Ke u me he ka tuö anyin je hnanyibu, me hnen je hna hûna, wale oge me hûna köu huyi bong ang, mʼ u me so, me lakom hwabâm, me me se hia bongom je bong hnyi hnyei a ham köu Iehova Khongom nyiele balua.

Deuteronomi 5:16

Ogânâ thö kâmâm me hinyâm, helâ me Iehova Khongom ame hûna köu, me me se hia je bongom, mʼ u me so hnyi hnyei Iehova ame ham köu.

Deuteronomi 5:33

Öbun e he ka vheno hia gethen wale Iehova Khongubun ame hûna köbun, mʼ öbun e möt, me so, me se hia bongubun je bong hnyi hnyei öbun e he ka hu.

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

Kolose 3:20

Je wanakat lö, ve long ju hoton je lakamöbun me lahinyöbun hnyi ta je ûnyi hia, anyin a wale hnân osenyinâ Than.

Rutha 3:6

Me e ame be ka hnyi hna huje hwit, me ânyâ hia hna hûna kâu ge ûngon.

I. Samuela 22:3

Ke Davita ame he ûheny e Mizepa ai hnyi Moaba: Ke e ame ha ka thaniny Moaba, ka habe, E na he ju cica me bai jem, ka laba unyibun, me inye wâ thö ûnyi ame he Khong ka ânyâ hobi könya.