Esodo 20:11 - Iaai Bible 1901 (New Caledonia)

¹¹ anyin a Iehova ame op hnyi siks ta bong drany me hmeledrany, me köiö me ta je ûnyi hia eû hnyin, kʼ ame menâ hnyi bong a seveniny: waleling me me hahnahicâ bong sabath hnö Iehova me o kbâ.

Esodo 20:11 ပူးပေါင်းရင်းမြစ်များ

Genese 1:28

Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 1:31

Ke Khong ame wâ ta je ûnyi hia thithö e ame ânyâ, ke wâ bi, e so hmönyin. Ke e hu sahac me e hu hnyomakatu, wale bong a siksiny.

Esodo 31:17

Wale ke haten könya me lakon Isaraela nyiele balua anyin a hnyi je bong a siks Iehova ame op drany me hmeledrany, ke hnyi bong a seven e ame menâ, me me hunyin hmetu.

Esodo 8:22

Ke haba hnyi bong eling oge me he ka ovebongonâ hnyei Gosena, wale ame labâ lakeik, kʼ ame ca he ka o kâ e ta je nöng; me me khanö u a inya Iehova eang hmelen.

Esodo 9:29

Ke Mose ame ha kâu, ka habe, Iny ka he ûhek ang hnyi taun oge me he ka hai li hnyamok kö Iehova; kʼ ame he ka hia hendreng, kʼ ame he ka ba hmetu we ae wahma: me me khanö u, ka habe, anyi Iehova hmeledrany.

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 48:13

Eke, hnen hnyamok hna bi taben hmeledrany, ke hnen hnyamok a metök hna ulolo je drany: oge me hawâ ta je ûnyi e, me adre me tha tot.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Ta je huliwa 20:7

Ke hnyi bong a bân hnyi seven, ohmun e ûkhacaköu he ka subâ areto, haba Paulo ame khet kodra, anyin ame he ka he but nyi; ke beû hnen hna khet ke ne o but huyi wanbenset.

Ta je huliwa 4:24

Ke ödrin e hia but long, me ödrin e ha ka Khong hnyi hnyok a khaca ke hwege ifucidrin, ka habe, Tabony Than lö, u thibi at a op drany me hmeledrany, me köiö, me ta je ûnyi hnyin:

Deuteronomi 5:15

Ke u me he ka ûnykûme a gʼ adre thaluö u hnyi hnyei Aigupito, ke haba Iehova Khongom ame hum u ûheny e ge hnyam ae hwege me benyin adre hai: anyin a wale Iehova Khongom ame hûna köu he ka tuö bong sabath.

Heberu 4:4

Anyin a e ame ha hnyi ke hofuc, ame ha ge bong a seveniny, ka habe, Ame menâ Khong hnyi bong a seveniny hwaban anyin ta je huliwa;

Hna Omanenâ 10:6

me khemanyin ge at ae möt nyiele nyiele balua, waleji a at ame op drany me ta je ûnyi a e hnyin, me hmeledrany me ta je ûnyi a e hnyin, me köiö me ta je ûnyi a e hnyin, ka habe, E ba hmetu ûen: