Esodo 2:23 - Iaai Bible 1901 (New Caledonia)

²³ Ke hwaban ta je bong e ae se hia, a mokcu than Aigupito; kʼ ame mâng je lakon Isaraela can hna hwenbʼ ödra kʼ adre me hongot tenge, kʼ ame o but ka Khong anyidra hwatenge can hna hwenbʼ ödra.

Esodo 2:23 ပူးပေါင်းရင်းမြစ်များ

Genese 16:11

Ke haingen angela anyi Iehova kâu, ka habe, Wâ bi, u erkin dut, ke u ma he ka hnokoâ da; me hwenyi ien Isamaela, anyin a löng ut Iehova ânyâm vec.

Genese 4:10

Ke e ame ha, ka habe, Ieû e u je ânyâ? ame tönge könya ifucin dren kem ûnyi hnyi kânâ.

Nehemia 9:9

Ke u je wâ vec anyin lakamöhmun hnyi Aigupito, me long ûtengiödrin hnyi Köiö ae Dra;

Jobu 35:9

Tavat adre me tenge ge je ûokonguny ae se hia; Adre me khöû ge benyin tavat ae hwege.

Salamo 102:1

IEHOVA lö, long ju hijic hic, Ke so e o but köu hok hwatenge.

Salamo 102:2

Ca ikhâlâ gak hnyimâkâm hnyi bonginy anyik vec: Tevehlöng ju könya; Ie thu thö könya hnyi bong oge me hongot hnyin.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 18:6

Oge me hongot kö Iehova hnyi anyik vec, Me khöû ka Khonguk: Ke e ame long hok hofuc hnyi umen uma ae kap, Ke hok hwatenge hnyi hnyimakan ame o but ka hnyi li hnyikonyen.

Esodo 1:14

kʼ adre me oveci ödra hnyi je bong ge ta je huliwa ae hmak, wale dröu me veto kânâ, me ta je huliwa hia ae ve man hnyi hnyei, haba anyidrin ta je huliwa hia adre me musi ödra hwegiödra hnyin.

Esodo 4:19

Ke haba Iehova ame ha kö Mose e Midiana, ka habe, He hmetu thö Aigupito ai: anyin a mokcu hnyat hia waleji odrin e elâm he ka hlingö u.

Esodo 6:5

Ke haba khaca oge hia but löng mâng anyin lakon Isaraela, wale hnen at Aigupito hna hom hwenbödra; me inya oge me ûnykûme anyik ûhihinyköu.

Esodo 6:9

Ke Mose ame ha helâe ka je lakon Isaraela: kʼ adre me ca ling Mose can hnyekudra ae vec, me hwenbödra ae hmak.

Esodo 7:7

Ke eite je hunai Mose, ke eite theri je hunai Arona hnyi ûen ödru me fuc kö Farao.

Isaia 19:20

Ke wale hnân haten me ohnathoâ kö Iehova tuhan sabaoth hnyi hnyei Aigupito: anyin adre me he ka hongot kö Iehova can tavat adre me oveci ödra, me e ame he ka kunâ kodra at ûhomeli, me at sing ödra, me e ame he ka omeli Ödra.

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Numera 20:16

ke ohmun e tenge kö Iehova, me ame löng hohmun, me kunâ angela, me hum ohmun ûheny Aigupito: ke wâ bi ohmun ang hnyi Kadesi, a taun hnyi obiny em hnyei:

Ta je huliwa 7:30

Ke hwaban je huna a fâte, ame manen dut kâu hnyi hnyebubainy bucen Sinai angela hnyi bâhlân meic hnyi ong ûö.

Deuteronomi 24:15

u me he ka bi hwaban hnyi bong bi, kʼ ame ca he ka dit seûno hon; anyin a e theduoc, kʼ ame oûnyihnathoâ hwaban: ke wâ e nye tenge kö Iehova gam, ke wale hulö bi köu.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Owisa 4:3

Haba lakon Isaraela ödrin e tenge kö Iehova: anyin ae hu gan nain haded je kariota fao; ke twente je huna e ame hom ûhnyûkongo hwegiâ lakon Isaraela.

I. Samuela 12:8

Haba hnyi ûen ame o Jekob hnyi Aigupito, me ame tenge lakamöbun kö Iehova, me haba Iehova ame kunö Mose me Arona, ödre hom lakamöbun ûheny Aigupito, me olabʼ ödrin hnyi dok eang.

I. Samuela 9:16

haba nyi hnyi ûen helâng, oge me he ka kunâ köu ke at ûnyi hnyi hnyei Beniamina, ke u me he ka hû e, me me taben lakeik at Isaraela, me e ame he ka omelö lakeik ûnyi hnyi hnyamen at Filisiti: anyin a oge hia but wâ lakeik, kʼ ame o but könya anyidra mâng.