Esodo 2:14 - Iaai Bible 1901 (New Caledonia)

¹⁴ Ke ame thu, ka habe, Ia otilö u hnân than me at owisa unyihmun? u me ûnykûme he ka hlingö nya heli me hnâm hna hlingâ at Aigupito? Ke Mose, ame ot, me habe, E hnatbu e manen dut ûnyi eling.

Esodo 2:14 ပူးပေါင်းရင်းမြစ်များ

Genese 13:8

Me haingö Aberama kö Lota, ka habe, E so e me ca hu iwatretra gatu, ke ûnyi ge hnyat tuö halek je meno, me hnyat tuö halem: anyin a ötu liamekeiny.

Genese 19:9

Ke haingödra, ka habe, Kec dö. Ke adre me ha, ka habe, Haba at ang a o but a atkanyua, ke beweny bi he ka at owisa: ke walang ang öhmun e he ka okongu u gan hmâ hudru. Ke adre me ûlûö kâu, wale Lota, me hakekenyâ he ka kia hlingeny hwanuma.

Genese 34:27

Kʼ ame o but laku Jekob ka ta je komok, me söh taun, can hnödra hna okongoâ hanidrin.

Ta je Vejec 19:12

Haba wathethot anyin than, me helâ me liona ame kuku; Ke haba anyin betenge, me helâ me dân hau hon hnaonying.

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

Numera 16:13

hawa unyi a ûhnyûkong a u je hum ohmun jem ûnyi hnyi hnyei ame di hnyin debai me hani, he ka hlingʼ ohmun hnyi hnyebuba, ke u je wem minya he ka bi than humun?

Numera 16:3

ke ödrin e ûkhacaköu kö Mose me Arona, me ha ködru, ka habe, Öbu me bi gan, anyin ae tha kap ûkhacaköu hia a ke at me ke at, ke e unyidra Iehova: anyin a wale ieû gabu öbu me ogöranyi öbu bi hon ûkhacaköu hia anyi Iehova?

Mataio 21:23

Ke e ame o ka hnyi hnyin uma kap, me haba je taben tavat bihut me wahingatiny hnyei ödrin e o kâu hnyi ûen e ame tiga ûne, me haingödrin, ka habe, Hnen musi anyi ia u me ânyâ ta je ûnyi e?

Luka 12:14

Me e ame ha kâu, ka habe, Ketha lö, ia otilö nya hnân he ka owisa me khenâ köbun?

Luka 19:14

Ke ame hociâ e hnen aten iny hnyei, ke adre me kunâ ûthumetu he ka wadring hoton he ka ha, ka habe, E ca wehmun me me musi ohmun at ang.

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.

Ta je huliwa 7:35

Wale Mose at ame hmiʼ ödra me ha kâu, ka habe, Ia otilö u he ka musi me owisa? wale Khong ame kunâ hnân at musi me at ûhomeli ge hnyamen angela wale a manen kâu hnyi ong ûö.

Heberu 11:27

Hnen labageju e ame hna but Aigupito, e ame ca outen hmonyin anyin than: anyin a e ame hokhnyok, helâke at ka wâ at ae ca manen bi.