Esodo 19:8 - Iaai Bible 1901 (New Caledonia)

⁸ Kʼ ame thu tavat hia me ha, ka habe, Ohmun e he ka ânyâ ta je ûnyi hia ame ha Iehova. Haba Mose ame thumetu Iehova hofuc hwan tavat.

Esodo 19:8 ပူးပေါင်းရင်းမြစ်များ

Nehemia 10:29

ke ödrin e kece hmâ ka je liamekeiny mödrin, me anyidrin je taben, me ödrin e tha ânyâ hna khemanyin me ha je manyidrin, he ka vheno hnanyibu anyin Khong, waleji a ham a deny Mose athnyabainy Khong, me he ka tuö me ânyâ je hna hûna hia anyi Iehova a Tuhötin, me hnen je hna owisa me hna otilâ;

Esodo 20:19

Kʼ adre me ha kö Mose, ka habe, Ûhnenamö möhmun kʼ ohmun e he ka löng: ke ca he Khong ka fuc köhmun wâ ohmun nye mokcu.

Esodo 24:3

Ke Mose ame he me thumeto ta je hofuc ho Iehova, me ta je hna owisa hia; ke ame thu hnen tavat hia hnyi hofuc a khaca, ka habe, Ohmun e he ka ânyâ ta je hofuc hia a ba hnö Iehova.

Esodo 24:7

Ke e ame hom tusiny ûhihinyköu, me aû, kʼ ame löng tavat: me haingödra, ka habe, Ohmun e he ka ânyâ hia hna ha hnö Iehova, me löng hoton.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Josua 24:21

Me ame ha tavat kö Josua, ka habe, Ohe, öhmun e he bi ka bi athnyabai Iehova.

Josua 24:24

Me ame ha tavat kö Josua, ka habe, Öhmun e he ka bi athnyabai Iehova Khonguta, me long hwan hofuc