Esodo 19:6 - Iaai Bible 1901 (New Caledonia)

⁶ kʼ öbun e he ka dökuk dökhu a je at bihut, me hnyei ae kap könya. Wale hofuc u me he ka ha ka lakon Isaraela.

Esodo 19:6 ပူးပေါင်းရင်းမြစ်များ

I. Je Than 3:8

Ke inya but ang a athnyabaem hnyi wanben lakem waleji u je uca, hnyei ae gan, ae pason he ka ha ûseiny, ke ca hnân aû anyin ae se hia.

I. Je Than 8:53

Anyin a u, Khong lö a Than, u je ûcʼ ödrin hnân em hnyei ûnyi hnyi ta je hnyei hia thithö eang hmeledrany, helâ me hnâm hna ha a deny Mose athnyabaem, hnyi hnâm hna hom lakamöhmun ûheny Aigupito.

I. Man Ûlabainy Je Than. 17:22

Anyin a u je wia lakem a Isaraela me me em hnyei nyiele balua; ke u thibi, Iehova, u je bi Khong ködrin.

Salamo 114:2

E bi Juda umen uma ae kap, Ke Isaraela dokhon dokhu.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Esodo 22:31

Ke öbun e he ka tavat ae kap hobi könya; anyin a wale öbun e ca he ka han utiö adre oloû hnyi hnyot; kʼ öbun e he ka khûâ ka ta je kuli.

Esodo 28:36

Ke u me he ka ânyâ ke wahano a gol! ae so, me kave hon helâ me hna kave ûnyi hnân bi haten, ka habe, e kap kö Iehova.

Isaia 43:4

Anyin a u oûnykûmik, me hmanenang, me hnok hna betenge gan; awe, oge me he ka ham tavat hnân hwabâm, me je hnyei hwaban melâm.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Isaia 66:21

Ke oge me he ka hom keihen gadra, mʼ adre me tavat bihut, me at Levi but, haingö Iehova.

Jeremia 13:11

Anyin ame kece wen ka hnyi hnyin at, helâe oge hia but okeceâ könya lap hia anyi Isaraela, me lap hia anyi Juda, haingö Iehova; mʼ adre me he ka hnân lakeik, me iök, me ogânâ, me hmanenang: ke adre me höcö long.

Jeremia 2:3

E kap Isaraela kö Iehova, wan a bân hnyi troban hnyei: adre me ha hnaûhangöâ tavat adre me utâ e; ame he ka o ûnyi ae kong kodra, haingö Iehova.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Levitiko 19:2

Ha thö ka ûkhacaköu hia anyin lakon Isaraela, me ha ködra, ka habe, Okabi öbun ju, anyin a inya Iehova Khongubun ae kap.

Levitiko 20:24

Ke oge hia but ha köbun, ka habe, Ame he ka bu köbun idrin hnyei, ke oge me he ka ham e köbun he ka labâ, wale hnyei ame di hnyin debai me hani: Inya Iehova Khongubun, at ame ucʼ öbun ûnyi hnyi ta je hnyei.

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Levitiko 21:23

Ke so bi e ame ca he ka dit ka hnyi hoton singiny, me hakekenyâ taben hut, anyin ae hu hnyikongon: me me ca he ka okongoâ je dok a kapik: anyin a inya Iehova at ame okabi odrin.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Hagai 2:5

hoton hofuc oge me ûhi-hinyköuâ mʼ öbun hnyi ûen öbun e he but ûhebun Aigupito, kʼ ame laba hanuk unyibun: ca ot bi öbun.

Numera 16:3

ke ödrin e ûkhacaköu kö Mose me Arona, me ha ködru, ka habe, Öbu me bi gan, anyin ae tha kap ûkhacaköu hia a ke at me ke at, ke e unyidra Iehova: anyin a wale ieû gabu öbu me ogöranyi öbu bi hon ûkhacaköu hia anyi Iehova?

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

I. Korinito 3:17

A ne okongoâ uma umen Khong hnen ke at, me ame he Khong ka okongoâ e; anyin ae kap uma umen Khong, wale thibi öbun.

Deuteronomi 14:21

Öbun e ca he ka han meno ame mok hwege: ke e khatö u he ka ham ka atkanyua hnyi hnyabam me me he ka han; ke e khatö u minya ka ûco e ka aten ke hnyei; anyin a u hnyei ae kap kö Iehova Khongom. U me ca he ka ölâ nokon got hnyi dân basin hinyen.

Deuteronomi 26:19

kʼ ame he ka obeönuai u hon je hnyei hia e ame op, hnân haisoâ, me hnân ien bi, me hnân ogânâ; mʼ u me he ka hnyei ae kap hobi kö Iehova Khongom hoton hofuc waleji e ame ha.

Deuteronomi 28:9

Ame he Iehova ka ohmö u inʼ u hnyei ae kap hobi kâu e bi, helâ me e ame khemanyin köu; u je ne he ka tuö je hnanyibu anyi Iehova Khongom, ae vheno deny je gethen.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

I. Thesalonika 5:27

Inya oge me hûna wia köbun hnyi Than, a gʼ adre me he ka aû tusi ang ka je liamekeiny hia thithö.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

Hna Omanenâ 20:6

E hnahic ut me kap tavat adre me hnyi hanen möt hmetu a bân: e ba maniny mok a loiny ködrin; ke adre me he bi ka tavat bihut ka Khong me Keriso, ke adre me he ka tha musi mē ke ne o but hnyi je huna a wan thauzan.

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.