Esodo 19:5 - Iaai Bible 1901 (New Caledonia)

⁵ Ke walang ang öbun e ne he ka löng hoton hok hofuc me vheno anyik uhihinyköu, mʼ öbun e he ka helâ me omjeû ae ûnyi hnathu hon ta je hnyei hia: anyin a anyik hmeledrany hia:

Esodo 19:5 ပူးပေါင်းရင်းမြစ်များ

Genese 17:9

Haba Khong ame ha kö Aberahama, ka habe, U ma he ka tuö anyik ûhihinyköu, u, me ta je mâtrânâm hwabâm, hnyi anyidra ta je dö.

I. Je Than 8:53

Anyin a u, Khong lö a Than, u je ûcʼ ödrin hnân em hnyei ûnyi hnyi ta je hnyei hia thithö eang hmeledrany, helâ me hnâm hna ha a deny Mose athnyabaem, hnyi hnâm hna hom lakamöhmun ûheny Aigupito.

I. Man Ûlabainy Je Than. 17:22

Anyin a u je wia lakem a Isaraela me me em hnyei nyiele balua; ke u thibi, Iehova, u je bi Khong ködrin.

Jobu 41:11

Ke, ewa at ame bân ka ham könya, mʼ inye he ka bi hwaban? Anyin a anyik ta je ûnyi hia eang hmeledrany.

Jobu 41:3

E ame he ka osehia khöû köu? Kʼ ame he ka ha je hofuc ae menyik köu?

Salamo 135:4

Anyin a Ja ame hia but ûcû Jekob hnân hobi kâu, Me Isaraela hnân tang omjehen ae ûnyi hnathu.

Salamo 24:1

ANYI Iehova hmeledrany me ta je ûnyi ae unöngötiny; Me ta ogo hnyei, me tavat adre me laba hnyin.

Salamo 25:10

Haba je gethen hia de Iehova, me, ibetengiö me hnathu Ka tavat adre me tuö hna ûhihinyköu mē, me hnen je hna ohnathoâ.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Esodo 23:22

Ke u ka he ka löng hoton hwan hofuc, me ânyâ hia hnök hna ha; me oge me he ka iwahnaihmiony me je iwahnaihmiony möu, me ivinö me at ame ivinö möu.

Esodo 24:7

Ke e ame hom tusiny ûhihinyköu, me aû, kʼ ame löng tavat: me haingödra, ka habe, Ohmun e he ka ânyâ hia hna ha hnö Iehova, me löng hoton.

Esodo 34:9

Ke haingen, ka habe, Than lö u je ne betenge gak, ö u he Than ka tha he möhmun; anyin ae hwege nyin hnyei ang; ke u ma thang degecâ anyihmun monu me hulö, me wiʼ ohmun do mʼ ohmun e em hnyei

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Esodo 8:22

Ke haba hnyi bong eling oge me he ka ovebongonâ hnyei Gosena, wale ame labâ lakeik, kʼ ame ca he ka o kâ e ta je nöng; me me khanö u a inya Iehova eang hmelen.

Esodo 9:29

Ke Mose ame ha kâu, ka habe, Iny ka he ûhek ang hnyi taun oge me he ka hai li hnyamok kö Iehova; kʼ ame he ka hia hendreng, kʼ ame he ka ba hmetu we ae wahma: me me khanö u, ka habe, anyi Iehova hmeledrany.

Khumöng Hwanyi Solomona. 8:12

Haba ik hnyei vine, a ik hnyei, e bi hnyi hnyimakök: Solomona lö, u ma he ka hom wan thauzan Ke tu haded hobi kâu tavat tuö je wan.

Isaia 1:19

Öbun e ne hmehmela me long, me öbun e he ka an so ûnyi hnyi kânâ:

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 56:4

Anyin a walang hna ha hnö Iehova Tuhan ta je eunuka, tavat adre me tuö anyik je sabath, me ûca ta je ûnyi oge me senyinâ, me kât hmâ anyik ûhihinyköu, ka habe;

Jeremia 10:16

E ca helâe jekhoû Jekob: anyin a e at ame op hia; ke Isaraela tribuiny jekhon: Iehova tuhan sabaoth ien.

Jeremia 13:11

Anyin ame kece wen ka hnyi hnyin at, helâe oge hia but okeceâ könya lap hia anyi Isaraela, me lap hia anyi Juda, haingö Iehova; mʼ adre me he ka hnân lakeik, me iök, me ogânâ, me hmanenang: ke adre me höcö long.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Ezekiela 16:8

ke hnyi ûen oge me he unyâm me ō u, me wâ bi, ûen betenge ânyâm bong, ke oge me lau hom obiny anyik ûkhaû, me khaûö u at ame mokut thu: eke, oge me khemanyin köu, me ûhihinyköu möu, haingen Than Iehova, ke u anyik bi.

Levitiko 20:24

Ke oge hia but ha köbun, ka habe, Ame he ka bu köbun idrin hnyei, ke oge me he ka ham e köbun he ka labâ, wale hnyei ame di hnyin debai me hani: Inya Iehova Khongubun, at ame ucʼ öbun ûnyi hnyi ta je hnyei.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Malaki 3:17

Ke haba ödra me tang omjehek, haingö Iehova, hnyi bong oge me thu; ke oge me he ka betenge gadra helâ me at ame betenge ge nokon at ame huliwa kâu.

I. Korinito 10:26

anyin a anyin Than hmeledrany me unöngötiny hia.

I. Korinito 10:28

Ke e ka ba köbun ke at, ka habe, Adre hia but hudo ûnyi ang ka hnatheat, awe, ca an bi, can at a omanenâ, ke ûnyi hnyi ûnykûm sah:

Deuteronomi 10:14

Wâ bi ûnyi anyi Iehova Khongom drany me draniny je drany, me hmeledrany, me ta je ûnyi hia thithö hnyin.

Deuteronomi 11:27

wale hnahic, öbun e ne löng hoton je hnanyibu anyi Iehova Khongubun, walang oge me hûna köbun hnyi bong ang;

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 14:21

Öbun e ca he ka han meno ame mok hwege: ke e khatö u he ka ham ka atkanyua hnyi hnyabam me me he ka han; ke e khatö u minya ka ûco e ka aten ke hnyei; anyin a u hnyei ae kap kö Iehova Khongom. U me ca he ka ölâ nokon got hnyi dân basin hinyen.

Deuteronomi 26:18

ke a hia but Iehova ha muâ hnyi bong ang a u hnyei ae ke bongon bi kâu, helâ me hnen hna ha bânâ köu, me u me he ka tuö hnen je hna hûna hia;

Deuteronomi 26:19

kʼ ame he ka obeönuai u hon je hnyei hia e ame op, hnân haisoâ, me hnân ien bi, me hnân ogânâ; mʼ u me he ka hnyei ae kap hobi kö Iehova Khongom hoton hofuc waleji e ame ha.

Deuteronomi 28:1

KE u je ne he ka ti löng hoton hofuc ho Iehova Khongom he ka wâ wia me ânyâ hnen je hna hûna, wale oge me huna köu hnyi bong ang, me ame he Iehova Khongom ka obeönuai u hon ta je hynei hia eang hmelen:

Deuteronomi 28:9

Ame he Iehova ka ohmö u inʼ u hnyei ae kap hobi kâu e bi, helâ me e ame khemanyin köu; u je ne he ka tuö je hnanyibu anyi Iehova Khongom, ae vheno deny je gethen.

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 5:2

Haba Iehova Khonguta ame ûbihinyköu möta hnyi Horeba.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

Deuteronomi 9:29

Ke so bi em hnyei ödra, ke hwajekhom, waleji u je hom ge manâm man ae gan, me benyâm adre hai.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 11:8

Hnen labageju Aberahama ame löng hoton, waleji adre hawâ he ka he ka hnyi ke hnyei e ame he ka hu me hnân hwajekhon; me e ame he thö ke ca khana dok e ame he ka hnyin.

Heberu 8:9

Ca helâ me ûhihinyköu oge hia but ânyâ me je lakamödra Hnyi bong oge me kât hnyamödra me lili ödra ûnyi hnyi hnyei Aigupito; Anyin adre me ca tethmâ hnyi anyik ûhihinyköu, Me oge me hna degeci ödra, haingen Than.

Josua 24:24

Me ame ha tavat kö Josua, ka habe, Öhmun e he ka bi athnyabai Iehova Khonguta, me long hwan hofuc

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Samuela 15:22

Haba Samuela ame ha, ka habe, Hawa, e hu senyin kö Iehova ge je hudiny leû me je hut, helâ me hna löng hoton hofuc ho Iehova? Wâ bi, e beönua hna löng hon hut, me beönua, hna hnu hoton, hon pipikhenyainy je mamoe baga.